“Bu günə kimi Azərbaycanda belə məşq proqramı olmayıb” - MÜSAHİBƏ
Müasir futbol daim inkişaf etməkdədi. Bu gün uğur qazandıran sistem, metodika artıq sabah nəticə verməyə, komandanı, futbolçunu irəli aparmaya bilər.
Bu üzdən qarşısına inkişaf etmək məqsədi qoyan məşqçilər gecə-güzdüz üzərlərində çalışmağa, müasir texnologiyanın imkanlarından yararlanıb öz işlərini mükəmmələşdirməyə məcburdular. Bu həm böyük futbolda sözünü deyənlərə, həm də aşağı yaş qruplarında çalışanlara aiddi.
Budəfəki həmsöhbətimiz gənc mütəxəssis Yunis Yunislidi. Yunis bəy bu yaxınlarda ilkə imza ataraq videoçəkiliş formasında məşq proqramı hazırlayaraq satışa çıxarıb. Özünün də dediyi kimi, Avropda xeyli vaxtdı bu təcrübədən istifadə olunduğu halda, Azərbaycanda bu yöndə boşluq olub və o da bundan yararlanıb.
- Futboldan söz düşəndə, hamı problemin uşaq futbolundan qaynaqlandığını bildirir. Demək olar, hamı eyni fikirləri səsləndirir. Nədi problem, niyə uşaqlara düzgün məşq keçilmir? Bunu deyən yoxdu. Bəli, təməl güclü olarsa, uşaq yaş qruplarını dəyişəndə çətinliklə qarşılaşmır, yaşı artdıqca böyük futbola yaxınlaşır. Bunun üçün düzgün metodika olmalıdı. Avropada müxtəlif məşq proqramlarından istifadə olunur. Bu proqramlardan istifadə edərək, uşaq və yeniyetmələr fərdi şəkildə də hazırlıq keçə bilərlər. Bu təcrübədən dünya ulduzları da yararlanır. Dəfələrlə hansısa tanınmış futbolçunun fərdi məşqçi ilə çalışdığını eşidirik, görürük. Həmin məşqçilərin öz məşq proqramları olur və özünü doğrultduğu üçün həmin ulduzlar onlarla çalışmaqda maraqlı olur. Mən də bütün dünyanın getdiyi yola üz tutmuşam.Videoçəkiliş formasında futbol-məşq proqramı hazırlamışam. Bundan yararlanıb gündəlik məşqlərlə inkişaf etmək mümkündü. Bu günə kimi Azərbaycanda belə məşq proqramı olmayıb. Avropada isə, yenə təkrarlayıram, bu təcrübədən yararlanırlar. Hazırladığım proqram barədə futbol ictimaiyyətinin məlumatı var.
- Hazırladığın proqram neçə hissədən ibarətdi, hansı yaş qrupu üçün nəzərə tutulub, tələbat var?
- Bu mənim ilk işim olduğuna görə proqram yeniyetmələr üçün nəzərədə tutulub. Qarşıdakı aylarda peşəkar futbolçular üçün də eyni formada məşq proqramı hazırlamağı düşünürəm. Tələbat var. Satışa gəlincə, bazara çıxdığı bir həftə olmasına baxmayaraq, artıq 20-yə yaxın satılıb. Düşünürəm ki, tanış olanların sayı artdıqca, alıcıların sayında da artım olacaq.
- Məşq proqramlarını tək hazırlamısan, yoxsa bu işdə sənə yardım edənlər olub?
- Proqram beynimin məhsuludu, çəkilişlərdə də özüm iştirak edib, bütün elementləri əyani şəkildə göstərmişəm. Uzun müddətdi bu layihənin üzərində çalışıram.
- Proqramın qiyməti neçəyədi və onu əldə etmək istəyən şəxslər hara müraciət etməlidi?
- Proqramın qiyməti 15 manatdı. Onu alan şəxslər qarşıdakı aylarda növbəti məşq proqramlarını güzəştli şəkildə əldə edə biləcəklər. Yəni qiymətdə endirim nəzərdə tutulub. Satış “instaqram” səhifəsi üzərindən həyata keçirilir. Əlaqə nömrəsi də orda qeyd olunub.
RƏŞAD
Digər xəbərlər
