Bu şəxs Frits Stuxlikin yerinə göz dikib – ÖZÜ AÇIQLADI
AFFA Hakimlər Komitəsinin sədri Frits Stuxliklə yolları ayırdı.
“Football-plus.az” saytının məlumatına görə, avstriyalı funksionerlə müqavilənin müddəti uzadılmadı və onun 4 illik dönəmi rəsmən başa çatdı. Hazırda isə bu postu kimin tutacağı yönündə müzakirələr gedir.
Artıq bir nəfər öz namizədliyini irəli sürüb. Bu, vaxtilə aşağı yaş qrupları üzrə çempionatlarda hakimlik edən Zahid Musayevdi. Sabiq referi iddiasını “feysbuk” hesabında paylaşım etməklə ortaya qoyub:
“Salam, əziz dostlar və futbol ictimaiyyəti. Hakimlər Komitəsinin sədri vəzifəsi boşaldılır. Çox şükür. Artıq yeni, mərd və Azərbaycan futbol hakimliyini sevən namizədlərin təyin olunma vaxtıdı. Çox istərdim bu seçim futbol hakimliyimiz üçün xeyirli olsun. Kim gəlirsə, Azərbaycan futbol hakimliyinə xeyirli, düşərli olsun. Sədr Hakimlər Komitəsində apardığı işiylə uğurlar gətirsin. İnşallah. Amin. Bir müddət öncə yazılarımın birində qeyd etdiyim kimi, komitəyə rəhbərlik etməyə hazıram. Başqa seçim kim olur-olsun, Azərbaycan futbol hakimliyinə layiqli xidməti ilə nümunə olsun. Mən də hazıram bu işin öhdəsindən bacardığım qədər gəlməyə. Allah bu işdə hər kəsə yardımçı olsun. Amin”.
KƏNAN HƏSƏNOV
Digər xəbərlər
