"Sumqayıt"ın idman direktoru olan Zamiq Hüseynov tutduğu vəzifədən ayrılıb.

"Football-plus.az" xəbər verir ki, futbol funksioneri istefa verib. Bu məlumatı "kimyaçılar"ın mətbuat katibi Rəşad Məmmədov saytımıza açıqlamasında verib:

"Zamiq Hüseynovun "Sumqayıt" üçün müstəsna xidmətləri var. O, klubumuzun formalaşmasında fəal iştirak edib. Buna baxmayaraq, qarşılıqlı razılıq əsasında bu gün onunla yolları ayırdıq. Zamiq bəyə yeni iş yerində uğurlar arzu edirik".

"Sumqayıt"ın sabiq idman direktorunun yeni klubu da bəllidi. O, premyer-liqanın digər təmsilçisi "Səbail"də icraçı direktor Fərəc Əliyevin köməkçisi olaraq çalışacaq.

Yeri gəlmişkən onu da bildirək ki, Hüseyndan sonra boş qalan idman direktoru postuna bir neçə namizəd var. Yaxın günlərdə bura təyinat reallaşacaq.