Yığmamız son oyunu Norveçə qarşı keçirdi. Milan Obradoviçin komandası bu qarşılaşmadan 1:2 məğlub ayrıldı. Turnir boyunca millimizin aparıcı oyunçularından biri olan Ceyhun Nuriyevin seçmə mərhələnin yekunu ilə bağlı fikirlərini öyrənməyə qərar verdik.
“Sabah”ın futbolçusunun “Football-plus.az” saytına açıqlaması belə oldu:
“Nəticə məni qane etmir. Daha çox xal yığmalıydıq və yığa bilərdik. Həm komanda, həm də öz adıma daha yaxşısını edə bilərdik. Rəqiblər güclü idi, amma son 2 oyunda göstərdik ki, istənilən komandaya qarşı oynamaq olar. Böyük təcrübə oldu”.
İLKİN SULTANLI
