Usman Dembele “Barselona”dan ayrılmağı düşünmür.

Bunu “Mundo Deportivo” iddia edib. 25 yaşlı yarımmüdafiəçi işıqforda rastlaşdığı azarkeşlərdən birinin bir neçə sualını qısaca cavablayıb. Fanatlardan biri tərəfindən çəkilmiş video sosial şəbəkələrdə yayılıb. Fransalı futbolçu “Barselona”da qalıb-qalmayacağı ilə bağlı suala “hə” cavabını verib. Usman “Çelsi”yə mümkün keçidi ilə bağlı məlumatları şayiə adlandırıb. O, “Barselona”da özünü rahat hiss etdiyini də vurğulayıb.
Dembelenin klubla hazırkı müqaviləsinin müddəti iyunun sonunda başa çatacaq. Tərəflər hələlik yeni anlaşma ilə bağlı razılığa gələ bilməyiblər.