"Bu gün daha çox yoruldum" - Emin Mahmudov
Millətlər Liqasının 4-cü turunun Azərbaycan – Belarus matçından sonra millimizi oyuna kapitan sarğısı ilə çıxaran Emin Mahmudov matçdan sonra "CBC Sport"a açıqlama verib.
"Football-plus.az" xəbər verir ki, yarımmüdafiəçi Belarus üzərindəki qələbəni belə şərh edib:"Çətin idi. Çünki rəqib komanda yaxşı müdafiə olunurdu. Topu qabağa az çatdırırdıq. Bəzi epizodlarda daha diqqətli olsaydıq, daha erkən qol vura bilərdik. Bizim üçün əsas olan qələbə idi. Çünki çoxdandı ki, qalib gəlmirdik. Ona görə də bizim üçün psixoloji olaraq çətin idi.
10 günə 4 oyun oynamaq çox çətindi. Qazaxıstana yollandıq, oradan Serbiyaya getdik. Yorğunçuluq hiss olunurdu. Bu gün daha çox yoruldum, nəinki digər oyunlarda. Əsas odur ki, qalib gəldik. Yorulsam da, heç nə olmaz".
Digər xəbərlər
