Nəhayət, Serxio Ramosun aqibəti müəyyənləşib.

"Football-plus.az" PSJ rəhbərliyi təcrübəli futbolçunu komandada saxlamaq qərarına gəlib.

“Le Parisien” qəzetinin xəbərində, ispan müdafiəçinin bu yay satılmayacağı bildirilib. 36 yaşlı futbolçunun gənc həmkarlarına və komandaya yaxşı təsir etdiyi vurğulanlıb. Bu səbəbdən Serxio müxtəlif zədələrə görə son mövsümün böyük hissəsini buraxmasına baxmayaraq, növbəti mövsümü parislilərin sıralarında keçirəcək. Qeyd edək ki, dünya və Avropa çempionu Fransa çempionatındakı debüt mövsümündə yalnız 12 oyuna çıxıb və 1 qol vurub.

Serxiodan fərqli, rəhbərlik bu yay Mauro İkardi ilə yolları ayırmaq istəyir. “Le Parisien”in məlumatında argentinalı hücumçudan yüksək səviyyəli oyun gözlənilsə də, bunun baş vermədiyini yazıb. Bu səbəbdən 29 yaşlı oyunçu ilə yolların ayrılmaq ehtimalı çoxdu. Qeyd edək ki, İkardi ötən mövsüm PSJ-də 30 oyuna çıxıb və 5 qol vurub. Onun klubla müqaviləsinin müddəti 2024-cü ilin iyununda başa çatacaq.