Okan Buruk ''Fənərbaxça''da işləyərmi? - AÇIQLAMA
Adı ''Qalatasaray''ın baş məşqçisi postuna namizədlər arasında göstərilən Okan Buruk ''NTV'' kanalında yayınlanan ''Qırılma anı'' verilişinin qonağı olub.
"Football-plus.az" xəbər verir ki, Şayiələrə inansaq, iyunun 11-dəki prezident seçkisində iki namizəddən biri olan Dursun Özbək qalib gələcəyi təqdirdə ''Cim-Bom''un başına məhz Buruk keçəcək.
Xatırladaq ki, 48 yaşlı mütəxəssis futbolçu kimi iki fərqli dönəmdə ümumilikdə 12 il ''Qalatasaray''ın şərəfini qoruyub və bu klubda 16 titul qazanıb. Məşqçi kimi isə 2018-də ''Akhisarspor''la ölkə kubokunun qalibi olubsa, 2019/20-də ''İstanbul BŞ''ni superliqanın çempionu edib. Buruk ''Fənərbaxça'' ilə bağlı fikirlərini də açıqlayıb:
''2001-də ''Qalatasaray''dan ayrılıb ''İnter''ə yollandığım dönəmdə çox həyəcanlanmışdım. Milana gedərkən öz-özümə ''mən hara gedirəm'', - deyə düşünürdüm. Orda keçirdiyim hər oyun, hər mövsüm mənim üçün böyük təcrübə oldu. Karyeramboyu çox komanda dəyişməkdən çəkinmirdim. Hər klubda əlimdən gələni edirdim. Məşqçi kimi isə ən uzun müddət işlədiyim hər iki klubla uğur qazanmağı bacardım. ''Akhisarspor''da kubok, ''İstanbul BŞ''də çempionluq qazandım. Futbolçu kimi titul qazanmaqla məşqçi kimi titul qazanmaq arasında çox böyük fərq var. Çünki məşqçi olanda bütün komandanı sən qurursan və üzərində daha böyük məsuliyyət olur. Bəzən hakimlərlə ünsiyyət qurarkən aqressiv olduğumu bilirəm. Artıq belə şeylərdə daha diqqətli olmağa çalışacam. Ən sevmədiyim şey bir məşqçinin öz həmkarına hörmətsizlik etməsidi. İqor Tudorla aramızda bir münaqişə olmuşdu. Hakim məni tribunaya göndərdikdən sonra Tudorun üstümə gəldiyini gördüm. Hər şey məhz bundan qaynaqlandı. Amma sonradan zatən ''Qalatasaray'' camiəsindən üzr istəmişdim. Komandalarımı ''Fənərbaxça''ya qarşı oyunlara heç də xüsusi şəkildə hazırlamıram. Futbolçular zatən böyük klublara qarşı oyunda meydana ikiqat motivasiya ilə çıxır. Amma ''Qalatasaray''lı keçmişimi nəzərə alanda ''Fənər'' üzərində qazanılan qələbələr həmişə məni ikiqat sevindirir. Təklif gəlsə, ''Fənərbaxça''da işləyərəmmi? Fikrimcə, futbolda hər kəs özünü aid etdiyi klubda işləyəndə daha rahat olur. Açığı, özümü ''Fənər''in baş məşqçisi kimi təsəvvür etmirəm. Mənim üçün ən doğru yerin ''Qalatasaray'' olduğunu düşünürəm. Bəlkə heç ''Fənərbaxça'' fanatları da məni qəbul etməyəcək. Hərçənd Türkiyə futbolunda hər kəs üçün örnək olan bir Mustafa Dənizli var. O hər üç nəhənglə işləyib və üçü ilə də çempion olub. Amma dediyim kimi mənim ən böyük arzum ''Qalatasaray''da işləməkdi''.
ƏLİ
Digər xəbərlər
