Şəhriyar Məmmədyarov Qurban Qurbanovun qonaq olacağı seansın qiymətində endirim etdi - ÖZƏL
Azərbaycan şahmatında önəmli yerə sahib olan Məmmədyarovlar ailəsi məktəb açıb.
Mayın 17-də Şəhriyar Məmmədyarov bu məktəbdə “ustad dərsləri” keçəcək. Ümumilikdə 7 saat (9.30 – 16.30) davam edəcək dərslərin aralığında iştirakçılar üçün 1 saat yarım müddətində nahar və istirahət nəzərdə tutulub.
Özəl şahmat məktəbi olduğu üçün dərslərin ödənişli olması normaldı. Lakin 350 manat bir şahmat dərsi üçün yetərincə yüksək məbləğdi.
Görəsən, Məmmədyarovlar ailəsi məbləği aşağı edə bilərdi? Hansı tanınmış simalar fəxri qonaq qismində dəvət olunacaq? Bu sualların cavabını öyrənmək üçün Şəhriyarın bacısı, beynəlxalq qrossmeyster Zeynəb Məmmədyarova ilə əlaqə saxladıq. Onun “Football-plus.az” saytına açıqlaması belə oldu:
“Çalışdıq ki, müraciətləri nəzərə alaq. Ona görə də seansın qiyməti artıq 250 manatdı. Amma özəl məktəblərin qiyməti mübahisə mövzusu ola bilməz. Şəhriyar Məmmədyarovun 1 gününü şahmatsevərlərə həsr etməsinin qiymətini, məncə, şahmatçılar yaxşı başa düşər.
Yerimiz böyük olmadığına görə məhdud sayda iştirakçı qəbul edəcəyik - təxminən 12-15 nəfər. Eyni iştirakçılar da seans və səxsi oyunlarda Şəhriyar bəylə iştirak edəcəklər. Qurban Qurbanovdan başqa fəxri qonağımız olmayacaq. Lakin razılıq alınarsa, hörmətli jurnalistləri nəzərə almağa çalışacağıq”.
Yerimiz böyük olmadığına görə məhdud sayda iştirakçı qəbul edəcəyik - təxminən 12-15 nəfər. Eyni iştirakçılar da seans və səxsi oyunlarda Şəhriyar bəylə iştirak edəcəklər. Qurban Qurbanovdan başqa fəxri qonağımız olmayacaq. Lakin razılıq alınarsa, hörmətli jurnalistləri nəzərə almağa çalışacağıq”.
Məmmədyarovanın jurnalistlərdən də pul tələb olunması ilə bağlı xəbərə münasibəti belə oldu:
“Onu deyən, yəqin ki, zarafat edib. Belə söhbət yolverilməzdi. Jurnalistlərdən sorğu-sual üçün gəlmək istəyənlər var və mən onları razılıq almaq üçün gözlədirəm. Mən də istəyərəm jurnalist qonaqlarımız olsun və tədbirimiz işıqlandırılsın. Lakin bu hələ ki bəlli deyil. 1-2 gün öncədən jurnalistlərin qeydiyyatı üçün paylaşım edəcəyik. Təbii ki, burda ödənişdən söhbət gedə bilməz”.
ŞAİR ABDULLA
