Qazaxıstan premyer-liqasının 9-cu turunda "Turan" "Astana" ilə heç-heçə edib - 3:3.

Emil Balayev bu görüşdə də meydana çıxmayıb. "Turan"ın baş məşqçisi Kuanış Kabdulov görüşdən sonra keçirilən mətbuat konfransında azərbaycanlı qolkiper haqda danışıb. Qazaxıstanlı mütəxəssis "Erjan Tokotaev yaxşı oyun nümayiş etdirir, Emil Balayevin ehtiyat qapıçıya çevrildiyini demək olarmı?" sualını belə cavablandırıb:

"O, başa düşür ki, komandaya gələndə zədələndi və bir ay ərzində bərpa prosesi keçdi. Gənc futbolçumuz Tokotayeva gəlincə, o, 4 oyunda qapısını toxunulmaz saxlaya bilib. Heç bir şikayət yoxdu. Emil Balayev peşəkardı, hər şeyi başa düşür".

Qeyd edək ki, Emil Balayev mart ayında "Qarabağ"dan ayrılaraq Qazaxıstan klubuna keçib.