Ötən saylarımızın birində xəbər verdiyimiz kimi, “Sumqayıt-2”nin iki futbolçusu – Tural Bayramov və Nazim Babayev karyerasını ölkə xaricində davam etdirəcək. Həm Tural, həm də Nazim hazırda “Dauqavpils”in düşərgəsindədilər. Tural artıq Latviya təmilsçisi ilə müqavilə bağlayıbsa, Nazim yaxın günlərdə anlaşmaya imza atacaq. Əldə etdiyimiz məlumata görə, U-21-in və “Neftçi”nin şərəfini qoruyan Elvin Sərkərov da karyerasını Baltikyanı respublikada davam etdirmək fikrindədi. Cari mövsümdə premyer-liqada “ağ-qaralar”ın heyətində meydana çıxan müdafiəçi yaxın günlərdə “Dauqavpils”lə müqavilə imzalayacaq. Sərkərov artıq bir həftədən çoxdu klubun düşərgəsindədi və bir yoxlama görüşündə meydana çıxıb. Məşqçilər korpusu “Neftçi”nin yetirməsinin idman formasından razı qalıb.
RƏŞAD