"Spartak"dakı çıxışı onun yığmaya çağırılmasına kömək etməlidi”
Rusiyanın eurofutbol.ru saytı premyer-liqa klublarının qış fasiləsində həyata keçirdikləri ən bahalı transferlə bağlı yazı hazırlayıb. Yazıda Moskva "Spartak"ının ötən yay "Rostov"a satdığı azərbaycanlı futbolçu Ayaz Quliyevi yenidən geri qaytarmasına da yer ayrılıb. Həmkarlarımız 22 yaşlı yarımmüdafiəçinin yığmamızda çıxış etmək perspektivinə də toxunublar: "Quliyev Azərbaycan yığmasında çıxış edə bilər. Məlumdu ki, Ramil Şeydayevdən sonra ona da vətəndaşlığını dəyişmək təklif olunub. Amma Şeydayevdən fərqli Ayaz Rusiya millisində oynamaq istəyir. "Spartak"dakı çıxışı onun yığmaya çağırılmasına kömək etməlidi".
Qeyd edək ki, "Spartak"ın yetirməsi olan Ayaz Quliyev 2018-ci ilin yayında 500 min avro qarşılığında "Rostov"a transfer olunmuşdu. Moskva təmsilçisi sonradan 1 milyon avro ödəyərək, gənc yarımmüdafiəçini geri qaytardı.