Yığmamızın və “Sabah”ın futbolçusu Təmkin Xəlilzadə ata olub. Solaxay müdafiəçinin qız övladı dünyaya gəlib. Təmkin övladına Adel adını verib və bununla bağlı hisslərini “instaqram” hesabında bölüşüb: “Qəribə hisslərdi… Bap-balaca, heç tanımadığın birini qucağına verirlər. Baxıb görürsən ki, necə də sənə bənzəyir. Allahın möcüzəsidi mənim üçün. Bu gün sanki mənə bənzəyən biri daha var dünyada. Ona baxdıqca özümü görürəm. Ağzı, burnu, gözləri mənə bənzəyir. Ona baxdıqca hələ həyatımın yenidən başladığını və onun üçün daha da var gücümlə çalışacağımı görürəm. Adel, mənim bap-balaca, mənə oxşar qızım, dünyamıza xoş gəldin. Mən hər zaman sənin qərarlarını dəstəkləyəcəm, ayaqlarını yerə bərk basmağın və cəmiyyətdə hər zaman yerinin olması üçün arxandan bir an olsun, çəkilməyəcəm! Artıq bir yox, iki sevgilim var. Həyatımda iki sevdiyim xanım var. Sizi çox sevirəm”.
Xatırlayırsızsa, Təmkin qış fasiləsində “Qəbələ”ni “Sabah”a dəyişməsinin səbəbi kimi əvvəlki komandasının bölgə təmsilçisisi olduğunu demiş, paytaxt klublarından birinə keçmək istəyini dilə gətirmişdi. Görünür, övladının dünyaya gələcəyini və onun yanında olmaq həvəsini göz önünə gətirib.
HƏBİB