Sizin reklam burada

Etibar İbrahimov yeni transferlərə ümid edir

Baxış Sayı:524

Etibar İbrahimov yeni transferlərə ümid edir
“Minimumdan maksimum əldə etməyə çalışmışıq”
“Kəpəz” bu gün “doğma divarlar” arasında MOİK-i qəbul edəcək. “Sarı-göylər” “hərbçilər”lə oyuna hazırlığı dünən keçirdiyi son məşqlə başa vurub. Təxminən bir saat davam edən hazırlıq prosesi yüngül xarakter daşıyıb. İsinmə təmrinlərinin yerinə yetirilməsi ilə başlayan məşq toplu çalışmalarla davam edib və taktiki tapşırıqların yerinə yetirilməsi ilə başa çatıb.
Yeri gəlmişkən, “Kəpəz” MOİK-lə oyuna itkilərlə çıxacaq. Zədəli olmasa da, komandanın heyətində iki cəzalı var. Yarımmüdafiəçilər Ruslan Süleymanov və yeni transfer Əli Səmədov “hərbçilər”lə qarşılaşmanı kənardan izləmək məcburiyyətindədi.
Çempionatın ikinci dövrəsinin startı ilə bağlı baş məşqçi Etibar İbrahimov klub saytına açıqlama verib: “Komanda qış fasiləsi müddətində qarşıdakı oyunlarda nəticələrin yaxşı olması üçün çox əziyyət çəkib. Bir çox çətinliklərin olmasına baxmayaraq, futbolçular istər məşq prosesində, istərsə də yoxlama oyunlarında əllərindən gələni ediblər. Buna görə onlara təşəkkür düşür. Minimumdan maksimum əldə etməyə çalışmışıq. Yeni transferlərimizdən çox şey gözləyirik. Bildiyiniz kimi, komandaya dəvət etdiyimiz futbolçulardan ikisi elita təcrübəsinə malikdi. Tural Rzayevlə Əli Səmədovun bizə çox xeyri dəyəcək. Təəssüf ki, sonuncu cəzalı olduğundan MOİK-ə qarşı oyunda çıxış edə bilməyəcək. Tural Rzayevin isə müəyyən zədəsi olduğundan bir müddət bərpa dövrü keçib. Qısa müddətdə onu hazırlamağa çalışdıq. Hər iki futbolçuya böyük ümidlər bəsləyirik”.
Xatırladaq ki, “Kəpəz” qış “transfer pəncərəsi” dövründə bu oyunçularla yanaşı, heyətinə daha üç futbolçu cəlb edib. Komanda hücumçu Cavid Hümmətli, yarımmüdafiəçi Oqtay Məmmədov və müdafiəçi Coşqun Kərimli ilə güclənib.
RƏŞAD hazırladı

Oxşar xəbərlər
SON XƏBƏRLƏR