Sizin reklam burada

Rafael Ağayev mükafatlandırıldı

Baxış Sayı:1 373

Rafael Ağayev mükafatlandırıldı
Rafael Ağayevin (75 kq) Fransada keçirilən Karate1 Premyer Liqasının "Paris Open" mərhələsində gümüş medal qazandığını xəbər vermişdik. Çənəsi və burnundan iki zədə alan yığmanın lideri həmçinin Dünya Karate Federasiyasının (WKF) ötən mövsümün ən yaxşı karateçiləri üçün təsis etdiyi "Grand Winners"in mükafatçılarından biri olub. Mükafatları Yaponiyanın Fransadakı səfiri Masato Kitera və WKF-in prezidenti Antonio Espinos, həmçinin təşkilatın baş katibi Toşixisa Naqura təqdim edib.
Qeyd edək ki, "kiçik dünya çempionatı" adlandırılan "Paris Open" turnirində 82 ölkədən 776 idmançı iştirak edib. Beynəlxalq hakim Cahangir Babayev final görüşlərini idarə edən referilər arasında olub. Karateçilərimizin növbəti rəsmi yarışı fevralın ortalarında Karate1 Premyer Liqasının Dubay mərhələsi olacaq.

Oxşar xəbərlər
SON XƏBƏRLƏR