“Qarabağ” da “Uypeşt”ə uduzdu
Reynaldo zədələndi, Qurbanov bəzi legionerlərə mesaj göndərdi
Antalyadakı ilk yoldaşlıq görüşünü yanvarın 16-da keçirməli olan, lakin aramsız yağışlara görə “Botoşani” ilə oynamaqdan imtina edən “Qarabağ” ilk sınaq matçına dünən çıxdı. Rəqib öncədən xəbər verdiyimiz kimi, Macarıstan təmsilçisi “Uypeşt” idi. Bu komanda yayda “Neftçi”ni 4:0 hesabı ilə məğlub edib, Avroliqa mübarizəsindən kənarlaşdırdığından, matçdan öncə sosial şəbəkələrdə ağdamlı və bakılı azarkeşlərin “atışmasını” görməyə dəyərdi. Sevimlilərinin “Uypeşt”i udacağını düşünən “Qarabağ”lılar fəal görünürdü.
Qurban Qurbanovun start “11-liy”i maraq doğurmaya bilməzdi. Fasilədən sonra ilk qarşılaşma olduğundan, Reynaldo ilə Riçard Almeyda komandaya qayıtdığından, baş məşqçi bəzi legionerləri sərəncamında görmək istəmədiyindən, hansı futbolçulara güvənəcəyi səbirsizliklə gözlənilirdi. Reynaldo demişkən, braziliyalı köhnə-yeni komandasına qoşular-qoşulmaz yenə zədələnib. Məşqlərin birində dizindən xəsarət alan 29 yaşlı futbolçuya həkimlər yüklənməyi və meydana çıxmağı qadağan etdiyindən, dünənki görüşü kənardan izləmək məcburiyyətində qaldı.
Sərəncamında 13 legioner olduğu halda, Qurbanov “11-lik”də onlardan yalnız 4-nə şans vermişdi (Riçard Almeydanı hesaba almadan): Şahruddin Məhəmmədəliyev, Vild-Donald Gerye, Rəşad Sadıqov, Bədavi Hüseynov, Maksim Medvedev, Qara Qarayev, Miçel, Abdulla Zubir, Riçard Almeyda, Dani Kintana, Mahir Mədətov.
İlk dəqiqələrdən oyuna üstün başlayan ağdamlılar diqtə edən tərəf idi. Futbolçular topa nəzarət edir, qapanan rəqibin müdafiə xəttində boşluqlar axtarırdılar. Macarların fərqlənmək üçün iki imkanı vardı: ya əks-hücum, ya da standart vəziyyət zamanı. 17-ci dəqiqədə “duran top”dan hesabı açdılar. Kornerdən qapı qarşısına ötürülən topu “Qarabağ”lılar uzaqlaşdıra bilməyincə, rəqib futbolçu hesabı açdı. Bundan sonra oyun maraqlı anlarla yadda qaldı. 29-cu dəqiqədə Mahir qapıçı ilə təkbətək qaldığı epizodda onu keçə bilmədi. Bir neçə saniyə sonra Zubirin hiyləgər zərbəsi dirəyin bir neçə santimetrliyindən keçdi. Fasiləyə yaxın Miçelin qüvvətli zərbəsi qapıçının üstünə yox, bir az aralı getsəydi, çox güman, hesab bərabərləşəcəkdi.
Fasilədə “Qarabağ”ın heyətinin tam dəyişəcəyi və daha çox legionerlərin şans qazanacağını gözləyirdik ki, Qurbanov fərqli addım atdı. Reynaldonun yoxluğunda Hannes Halldorsson, İnnosent Emeqara və Con Delarja 1 dəqiqə də olsun, şans verməyıb gənclərə güvənən təcrübəli çalışdırıcı bir növ onlarla işləməkdə maraqlı olmadığına işarə vermiş oldu. Hər halda, hər üç futbolçunun yanvarda komandadan gedəcəyi gözlənilirdi. Sadəcə, sərfəli müqavilə şərtləri var deyə, öz xoşlarına ayrılmaq istəmirlər. Qurbanovun mesajına necə cavab verəcəklərini isə zaman göstərəcək.
İkinci yarıda tam yenilənən heyət beləydi: Vaqner da Silva, Ansi Aqolli, Yakub Jezniçak, Rahil Məmmədov, Abbas Hüseynov, Nicat Süleymanov, Simeon Slavçev, İsmayıl İbrahimli, Filip Ozobiç, Rafael Məhərrəmli, Araz Abdullayev.
İkinci 45 dəqiqənin gedişində küləyin şiddətinin bir az da artması oyunun axarına təsirsiz ötüşmədi. Küləyə qarşı oynayan “Uypeşt”lilər topu hara gəldi vurmaqla hesabı qorumağa çalışır, obrazlı desək, oyunun başa çatması üçün dua edirdilər. “Qarabağ”lıların ötürmələri isə küləyin sayəsində ünvana çatmır, çatanda da rəqibin sıx müdafiəsini yarmaq müşkülə çevrilirdi. Hücumda oynayan Araz topla “qidalanmır”, cinahlarda yer alan iki gənc – İsmayılla Rafael lazım olan dəstəyi verə bilmirdilər. Ağır Slavçevlə mübarizələrdən çəkinən, Riçardın gəlişindən sonra sanki həvəsdən düşən Ozobiç də kəsərli hücumların qurulmasında “zəif bənd” idilər. Rəqib 68-ci dəqiqədə təmsilçimizin qapısına yaxınlaşa bildi ki, onda da Vaqner sayıqlığı əldən vermədi.
Yoxlama görüşlərində “Qarabağ” üçün ənənəyə çevrilmiş məğlubiyyətdən sonra Qurban Qurbanov matçla bağlı fikirlərini dilə gətirib: "İlk oyunumuz idi. Bu gün optimal formadan uzağıq. Düzdü, hava şəraiti də sürətli oyun göstərməyə imkan vermədi. Amma komandada çox şeydən razı qaldım. Hansı ki, futbolçularım verdiyim tapşırıqları yerinə yetirməyə çalışdılar. Ancaq bəzi texniki səhvlər var idi, bu da normaldı. Düşünürəm ki, növbəti yoxlama matçında daha yaxşı oyun göstərəcəyik".
HƏBİB

Son xəbərlər

Ronaldo "Barselona"ya keçə bilər - Müzakirə edildi

Bugün Çempionlar Liqasında 8 oyun keçiriləcək

Eşli Yanq komandada qaldı

"Mançester Yunayted" Ronaldonu satmaq üçün bu şərti qoydu

İsrail klubunun futbolçusu Azərbaycanda

PSJ yeni hücumçu transfer edir

"Polşaya qayıda bildiyimə görə sevindim" - Marko Veşoviç

"Yuventus" futbolçusunu satdı

Super Liqada mövsümün püşkü atıldı

Premyer-liqa klubunda yeni müqavilə

Teymur Rəcəbov son görüşdə qələbə qazandı

"Çox çətin olacaq" - Qurban Qurbanov

"Trabzonspor" premyer-liqa klubundan futbolçu transfer etdi

“Neftçi”yə qarşı oynamaq mənim üçün asan deyildi" - Rəhman Hacıyev

"Marsel"in yeni baş məşqçisi məlum oldu

"Lex" "Qarabağ" kimi komandalardan qorxmamalıdı" - Jezniçak

Dadaşov "Vulverhempton"la məşqlərə başladı

"Burada yaxşı qollar vurmuşam" - Ağabala Ramazanov

"Qəbələ"nin rəqibi "Real Sosyedad"ın futbolçusunu heyətinə qatdı

"Barselona"növbəti transferini açıqladı

Elmar Baxşıyev “Fehervar”la bağlı ətraflı bilgiyə malik deyil - MÜSAHİBƏ

Kataloniyalılar La Liqaya ...itlə gəlir

Bu məqam "Qarabağ"ın oyununa gələn azarkeşlərin sayına təsir edə bilər? - AÇIQLAMA

Elnur Allahverdiyev: "Qarabağ”ın olduğu yerdə “Neftçi”nin ikinci pillədə qərarlaşması yaxşıdı” - MÜSAHİBƏ

"İndi daha güclüyük" - "Lex"in kapitanı

"Çempionlar Liqasında zəif məşqçi yoxdu" - "Lex"in baş məşqçisi

Ten Haq Ferqyusonun yolu ilə gedir

Tofiq Bəhramovun ruhu şad oldumu? - KÖŞƏ

"Zirə"də növbəti ayrılıq

Həvəskarlar arasında turnir keçirilir

"Neftçi" daha bir israilli futbolçunu transfer edir - İDDİA

Premyer-liqa klubu qazax və avstriyalı futbolçunu baxışa dəvət edib - ÖZƏL

"Qarabağ" azarkeşlərinə müraciət etdi

"Sumqayıt" yeni transferinin müqaviləsinin detallarını açıqladı

"İdman saytları olduqca fəaldırlar" - MEDİA-nın icraçı direktoru

Emil Balayevin Qazaxıstan macərası alınmadı

Daha bir rumın mütəxəssis Azərbaycana gəldi

AFFA "Zirə"nin şikayətini təmin etmədi

Çempionlar Liqasında Azərbaycan təmsilçisi bu klubla qarşılaşmayacaq

"Neftçi" gürcüstanlı müdafiəçinin müqaviləsinin detallarını açıqladı

Bu futbolçu "Sumqayıt"ın tarixinə düşdü

"Feyenoord"un sabiq üzvü Azərbaycan klubunun hədəfində

Millimiz Belarusda hazırlıq keçəcək

Azərbaycan klubu məşqə çıxan futbolçular üçün qurban kəsdi - VİDEO

"Qarabağ"ın oyununda anşlaq olacaq

Bütün xəbərlər