Yayda Kamran Ağayevin “kölgəsində” qalmaq istəməyən Orxan Sadıqlı “Sumqayıt”a üz tutdu. Ancaq “gənclik şəhəri” təmsilçisinin heyətində Mehdi Cənnətovu sıxışdıra bilmədi. “Kimyaçılar”da birillik icarə əsasında çıxış etməli olan qapıçı qış fasiləsində müqavilə ilə məxsus olduğu “Keşlə”yə qayıtdı.
Ancaq bakılıların baş məşqçisi Tərlan Əhmədov da onun xidmətində maraqlı olmadı. “Keşlə”dən ayrılan “çərçivə qoruyucusu” dünən özünə yeni klub tapdı. Belə ki, Sadıqlı “Zirə” ilə müqavilə imzaladı. Anlaşmanın müddəti 6 aydı. Onu da qeyd edək ki, “qartallar”ın qapıçıya ehtiyacı vardı. Çünki komandanın əsas qapıçısı Anar Nəzirov qəsəbə təmsilçisini “Qəbələ”yə dəyişib.
FARİZ