Azərbaycanı dünya çempionatında təmsil edəcək boksçular - ADLAR

Sabah Monteneqronun Budva şəhərində 19 yaşadək boksçular arasında dünya çempionatı start götürəcək.

"Football-plus.az" xəbər verir ki, 12 gün davam edəcək mundiala millimiz 9 idmançı ilə qatılacaq.

Baş məşqçi Elbrus Rzayev U-19 dünya çempionatında Əli Əliyev (50 kq), Nihat Qasımov (55 kq), Əli Baxışov (60 kq), Şahin Aslanov (65 kq), Rza Rzayev (70 kq), Renat Qiyaslı (80 kq) və Səfdər Məmmədzadəyə (+90 kq) şans verəcək.

Qızlardan ibarət millinin baş məşqçisi İlkin Ağayev isə Banuçiçək Nəsirli (48 kq) ilə Gülər Hüseynovaya (51 kq) güvənəcək.

Yarışda Emil Qurbanəliyev hakimlər sırasında yer alacaq. Anar Babanlı isə referilərin işini qiymətləndirəcək.