Ötən sayımızda FİFA referisi Xəyalə Əzizzadənin müsahibəsini dərc etmişdik. Xatırladaq ki, beynəlxalq dərəcəli xanım hakim aparılan islahatlardan sonra təyinatlardan məhrum olub. O təkcə FİFA referisi adından məhrum olmayıb, həm də artıq çempionat oyunlarına da göndərilmir. Əzizzadə qəzetimizə açıqlamasında ədalətsizliyin qurbanı olduğunu bildirmiş, əsas günahı Hakimlər Komitəsinin üzvü Elçin Məmmədovda görmüşdü. O, normativləri verdiyini, Elçin bəyin ona hədə-qorxu gəldiyini, dərslərdə kənar məsələlərdən danışdığını söyləmişdi. Odu ki, həmin ittihamlara qarşı tərəfdən də münasibət öyrənməyi lazım bildik. Məmmədov isə susmağa üstünlük verdi: “Mən bu məsələ barədə heç nə danışmaq istəmirəm. Sadəcə, UEFA-nın qoyduğu tələblərə görə komitə üzvləri və hakimlər müsahibə verə bilməzlər”.
FARİZ