Sizin reklam burada

Elman Himayətoğlu da vəzifəsindən ayrıldı

Title
Elman Himayətoğlu da vəzifəsindən ayrıldı
Yığma Qurban Qurbanova həvalə olunandan sonra bir yenilik də olmuşdu. Belə ki, milli komandaların mətbuat xidməti vəzifəsi təsis edilmişdi. Həmin funksiyanı isə Elman Himayətoğlu yerinə yetirirdi. Qurbanovun istefasından sonra Elman bəy də işindən ayrılıb. Dünən onun özü ilə əlaqə saxlayanda millinin mətbuat xidməti vəzifəsindən getdiyini təsdiqlədi.
Lakin bəzi suallar açıq qalır. Bundan sonra həmin funksiya kimə tapşırılacaq? Ümumiyyətlə, bu vəzifə mövcudluğunu qoruyacaq? Yoxsa Qurbanovun gedişindən sonra AFFA yığmalar üçün ayrıca mətbuat xidmətinə ehtiyac duymaq fikrində deyil? Sualları assosiasiyanın Mətbuat və İctimaiyyətlə Əlaqələr Departamentinin rəhbəri Firuz Abdullaya ünvanladıq: “Bildiyimə görə, Elman Himayətoğlu müqavilə ilə işləyirdi. Anlaşmasına xitam veriləcək. Yəqin ki, Hüquq və Kadrlar şöbəsi müqavilənin bitməsi ilə bağlı ona məlumat verəcək. Ümumiyyətlə, AFFA-nın strukturunda elə bir vəzifə yoxdu. Milli komandaya mətbuat katibi də yığmanın məşqçilər korpusunun istəyi ilə təyin olunmuşdu. Hələ ki millinin baş məşqçisi yoxdu və onunla bağlı fikir bildirmək də düzgün deyil. Ancaq dediyim kimi, federasiyasının strukturunda elə bir vəzifə yoxdu”.
FARİZ
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.