Qurban Qurbanovun oğlu əmisinin komandasına qol vurdu
Dünən birinci divizionda 11-ci tura yekun vurulub. İki günə sığan turun ikinci oyun günündə 4 matç baş tutub ki, meydan sahibləri qələbəyə həsrət qalıb. Tur lider MOİK-in ilk məğlubiyyət alması ilə yadda qalıb. “Hərbçilər” “Neftçi-2” ilə bacarmayıb. İkinci hissənin ortalarında penaltidən buraxdığı qolla hesabda geri düşən Azər Bağırovun komandası əsas vaxtın sonuna 3 dəqiqə qalmış tarazlığı bərpa etsə də, uzatma dəqiqələrində bir xaldan da əli çıxıb. Beləliklə, Mahmud Qurbanovun rəhbərlik etdiyi “Neftçi-2” liderlə xal fərqini 5-ə endirməyə müvəffəq olub.
"Qarabağ-2" "Zaqatala" ilə heç-heçəyə razılaşıb. “Azərsun Arena”da baş tutan görüşdə diqqəti çəkən məqam Qurban Qurbanovun Ağdam təmsilçisində çıxış edən oğlu Musa Qurbanlının divizionda ilk qolunu adını daşıdığı əmisinin rəhbəri olduğu, atasının doğulub boya-başa çatdığı rayonun komandasının qapısından keçirməsidi.
Digər oyunlara gəlincə, “Sabah-2” “Səbail-2”ni iki cavabsız qolla yenərək, 6-cı yerə yüksəlib. “Keşlə-2” isə “Zirə-2”ni darmadağına məruz qoyub. Dünənki nəticələrdən sonra turnir cədvəlinin ortalarında sıxlıq müşahidə olunmaqdadı. Belə ki, 4-10-cu yerlərdə qərarlaşan komandalar arasında xal fərqi cəmi 4-ə bərabərdi.
Birinci divizion
1-ci dövrə, 11-ci tur
23 noyabr
MOİK – Neftçi-2 1:2
Raul Yaqubzadə, 87 - Elnur Süleymanov, 77-p. Xəyal Tomarov, 90+3.
Qarabağ-2 – Zaqatala 1:1
Musa Qurbanlı, 26 - Roini İsmayılov, 42.
Səbail-2 – Sabah-2 0:2
Zahid Mərdanov, 19. Tolqar Yaqubov, 54.
Zirə-2 – Keşlə-2 1:4
Taleh Rzayev, 86 - Şirməhəmməd Məmmədov, 49. Emin Quliyev, 67. Qabil Sabirli, 74-öz qapısına. Ruslan Nəsirli, 90+3.
Turun qalan oyunlarının nəticələri: Şüvəlan – Turan Tovuz 3:1 (Azər İsmayılov, 42. Raul Süleymanzadə, 78. Akif Tağıyev, 84-p. - Elçin Qasımov, 73), Sumqayıt-2 – Kəpəz 1:0 (Elvin Nəsibov, 41), Ağsu – Qaradağ Lökbatan 0:4 (Tofiq Mikayılov, 31; 80. Bəhruz Teymurov, 78. Niyazi Qasımzadə, 90).
1. MOİK 11 9 1 1 21-9 28
2. Sumqayıt-2 11 8 0 3 23-10 24
3. Neftçi-2 10 7 2 1 13-6 23
4. Şüvəlan 11 4 5 2 14-12 17
5. Zaqatala 11 4 5 2 19-11 17
6. Sabah-2 11 4 4 3 8-6 16
7. Qarabağ-2 10 4 2 4 18-14 14
8. Keşlə-2 11 4 2 5 17-15 14
9. Qaradağ Lökbatan 11 4 2 5 10-14 14
10. Turan Tovuz 11 4 1 6 16-18 13
11. Səbail-2 11 3 1 7 9-24 10
12. Ağsu 11 2 3 6 9-19 9
13. Kəpəz 11 1 4 6 6-14 7
14. Zirə-2 11 2 0 9 10-21 6
Bombardirlər: Cavad Kazımov (Zaqatala), Elvin Nəsibov (Sumqayıt-2) - 8, Raul Yaqubzadə (MOİK) - 7.
Qeyd: İntizam Komitəsinin qərarına əsasən 6-cı və 8-cu turlarda "Səbail-2"yə, 10-cu turda isə "Zirə-2"yə texniki məğlubiyyət (0:3) verilib.