Sizin reklam burada

Rəşad Sadıqov “Beşiktaş”ın futbolçularını U-21-ə cəlb etdi

Baxış Sayı:1 003

Rəşad Sadıqov “Beşiktaş”ın futbolçularını U-21-ə cəlb etdi
Əsas milli kimi, 21 yaşadək futbolçulardan ibarət yığmanın da heyəti açıqlanıb. Noyabrın 15-də “Dalğa Arena”da Ukrayna, 19-da isə Zenitsa şəhərində Bosniya və Hersoqovina yığması ilə yoldaşlıq oyunu keçirəcək U-21-in baş məşqçi Rəşad Sadıqov düşərgəyə 24 oyunçu çağırıb. Gənc çalışdırıcı toplanışa növbəti seçmə mərhələdə çıxış edəcək futbolçuları – 1998-ci il və daha aşağı yaşlıları dəvət edib. Siyahıda yeni adlar var. Dəvətlilərdən 6-sı ölkə xaricində legioner həyatı yaşayır ki, onların arasında vaxtilə U-17-də çıxış etmiş “milliləşdirilən” türk əsilli futbolçular, "Beşiktaş"ın şərəfini qoruyanlar da var. Hüseyn Seyliğli və Mətin Gülər ilk dəfə Sadıqovun rəhbərliyi altında çıxış edəcək. Həmçinin Rusiya “Krasnodar”ından Ruslan Rzayev də ilk dəfə U-21-ə dəvət alıb.
Qarşıdakı iki oyunda yığmanın heyətində çıxış edəcək futbolçular bunlardı: Kamran İbrahimov, Ömər Buludov, Ricat Qarayev, Əsgər Hüseynov, Rəhman Daşdəmirov (hamısı "Neftçi"), Amin Seydiyev, Faiq Hacıyev, Abbas Ağazadə, Əli Sadıxov (hamısı "Qəbələ"), İsmayıl İbrahimli, Hacıağa Hacılı, Rövlan Muradov (hamısı "Qarabağ"), Murad Xaçayev, Süleyman Əhmədov (hər ikisi "Sumqayıt"), İsmayıl Muradov, Bahadur Həziyev (hər ikisi MOİK), Hüseynəli Quliyev (Sabah), Murtazəli Abakarov (Səbail), Hüseyn Seyliğli, Mətin Gülər (hər ikisi "Beşiktaş", Türkiyə), Ruslan Rzayev ("Krasnodar", Rusiya), Ziya Əzizov (“Neymegen”, Hollandiya), Ozancan Kökcü ("Girəsunspor", Türkiyə), Fərid Nəbiyev ("Slaviya", Çexiya).

Oxşar xəbərlər
text
SON XƏBƏRLƏR