Sabah – noyabrın 14-də futzal üzrə yüksək liqada növbəti turun oyunları keçiriləcək. 9-cu turun açılış matçında liderlə autsayder üz-üzə gələcək. “Neftçi” “Yasamal” İSK ilə görüşdə, çətin ki, cəzalı Rəcəb Fərəczadənin yoxluğunu hiss etsin. Qeyd edək ki, təcrübəli futzalçı ötən tur “Xəzər Cənub”la matçda aldığı sarı vərəqə ilə cəzalı duruma düşüb. Yeri gəlmişkən, passivində 3 sarı vərəqə olan “Araz”ın oyunçusu Adəm Həbibov, “Xəzər Cənub”lu Omid Nabat və “Yasamal”lı Sina Jamali cəza həddindədi.
Turun mərkəzi görüşü saat 14.30-da başlayacaq ki, “Yasamal” – “Ekol” qarşılaşması canlı yayınlanacaq. Azarkeşlər oyunu “CBC Sport” telekanalı vasitəsi ilə izləyə biləcək. Tura “Xəzər Cənub” – “Araz” matçı ilə yekun vurulacaq. Ötən tur məcburi istirahət edən Joze Alesionun yetirmələri “Neftçi”ni özündən çox irəli buraxmamaq üçün Lənkəran təmsilçisinin sürprizinə imkan verməməlidi.
Yasamal İSK – Neftçi
Hakimlər: Anar Fərəcov, Rahin Heybətov, Kənan Məlikov.
Hakim-inspektor: Fizulu Nəcəfov.
14 noyabr. Bakı İdman Sarayı. Saat 12.30
Yasamal – Ekol
Hakimlər: Elçin Məmmədov, Azər Əsgərov, Elmir Quluzadə.
Hakim-inspektor: Asim Xudiyev.
14 noyabr. Bakı İdman Sarayı. Saat 14.30
Xəzər Cənub – Araz
Hakimlər: Elçin Səmədli, Hikmət Qafarlı, Azad Hüseynov.
Hakim-inspektor: Kərim Ağayev.
14 noyabr. Bakı İdman Sarayı. Saat 16.30
1. Neftçi 7 6 0 1 35-19 18
2. Araz 7 5 2 0 40-18 17
3. Ekol 6 4 1 1 47-17 13
4. Yasamal 6 2 1 3 39-23 7
5. Xəzər Cənub 6 2 0 4 47-23 6
6. Liman 7 2 0 5 32-55 6
7. Yasamal 7 0 0 7 18-103 0
Bombardirlər: Hüseyn Fatihzadə (Liman) -15, Hadi Rizvan (Xəzər Cənub) – 13, Namiq Məmmədkərimov (Ekol), Xətai Bağırov (Araz) – 11.