Karvan-Yevlax – Zirə 0:1 (0:0)
99. Pedro Mateuş - 6,0
37. Mois Nqvisani – 5,5
5. Emin Rüstəmov - 5,5
21. İmani Barker – 6,0
(13. Vüsal Məsimov, 89) - qiymətsiz
2. Şakil Sno – 5,5
6. Vadim Abdullayev (k) - 5,5
(16. Rauf Rüstəmli, 89) - qiymətsiz
4. Olavale Doyeni – 5,0
11. Kayl Spens – 6,0
19. Tompson Qavi – 6,5
8. Peter Kinqs – 6,0
(14. Uğur Cahangirov, 80) - qiymətsiz
20. Coy-Sleyd Mikels – 6,0
Ehtiyat oyunçular
1. Kamran İbrahimov
25. Əmrah Bulud
32. Elvin Yunuszadə
33. Eltun Turabov
42. İbrahim Qədirzadə
Baş məşqçi: Fizuli Məmmədov
Komandanın ən yaxşısı: Tompson Qavi

97. Tyaqo Silva – 6,0
25. Enrike Kustodio – 6,0
4. Ruan Renato – 5,5
5. Ange Mutsinzi – 6,0
32. Qismət Alıyev (k) - 7,0
8. İsmayıl İbrahimli - 5,5
(17. Ayron Qomis, 90) - qiymətsiz
30. Rikardo Martins – 5,5
(93. Brahim Konate, 68) - 4,0
22. Ərən Aydın - 6,5
(28. Leroy Mikels, 76) - qiymətsiz
10. Giorgi Papunaşvili - 6,0
(73. Anatoli Nuriyev, 68) - 6,5
19. Rüfət Abdullazadə - 6,0
(29. Ceyhun Nuriyev, 68) - 5,5
9. David Volkov – 5,5
Ehtiyat oyunçular
13. Aydın Bayramov
41. Anar Nəzirov
14. Elçin Əlicanov
26. Stefan Aka
7. Rövlan Muradov
20. İssa Cibrila
11. Junior Martins
Baş məşqçi: Rəşad Sadıqov
Komandanın ən yaxşısı: Qismət Alıyev

Qol: A.Nuriyev, 68 (Q.Alıyev).
Vərəqələr: V.Abdullayev, 11 (qeyri-idman hərəkəti). Ə.Aydın, 39 (qeyri-idman hərəkəti). E.Kustodio, 53 (qeyri-idman hərəkəti). E.Rüstəmov, 90+1 (qeyri-idman hərəkəti) - sarı.
Hakimlər: RƏŞAD ƏHMƏDOV (Mingəçevir), Eyyub İbrahimov, Gülnurə Əkbərzadə, Namiq Bəkirov (hamısı Bakı).
VAR hakimi: Cavid Cəlilov (Bakı).
VAR hakiminin köməkçisi: Müslüm Əliyev (Bakı).
Hakim-inspektor: Şahin Cəfərov (Bakı).
AFFA nümayəndəsi: Mübariz Hüseynov (Gəncə).
19 mart. Yevlax. Şəhər stadionu. 2700 tamaşaçı (6000 yerlik).
Birinci hissəyə 1, ikinci hissəyə 4 dəqiqə əlavə olunub.
Oyunun qiyməti: 5,5.

Qış fasiləsindən sonra oyununda müəyyən inkişaf sezilsə də, cəmi iki xal toplayan “Karvan-Yevlax” son iki turda qələbə qazana bilməyən “Zirə”ni qəbul etdi.

Matç asta templə start götürdü. Topa nəzarət daha çox ev sahiblərində olsa da, ciddi təhlükə yarada bilmirdilər. Amma qapıya ilk zərbə “Zirə”dən gəldi. 19-cu dəqiqədə Ərən cərimə meydançası kənarından qapını “nişan alsa” da, Pedro dəqiq oynadı. 30-cu dəqiqədə Ərən cinahda Barkeri keçərək qapı qarşısına ötürmə verdi. İsmayılın zərbəsi “çərçivə”dən yan keçdi. İki dəqiqə sonra Ərən özü qola yaxın oldu. Papunaşvilinin ara ötürməsindən sonra zərbə mövqeyinə çıxan türkiyəli topu qapıdan keçirə bilmədi. Onun uzaq küncə yönəltdiyi topu Pedro dəf etdi. 37-ci dəqiqədə Renatonun ciddi səhvindən sonra Kinqs topu “oğurlayıb”, irəlilədi. Mutsinzi çiyindaşının səhvini “sığortaladı”. Qayıdan topa Mikels zərbə endirdi, amma çox uğursuz alındı. 45-ci dəqiqədə isə Mikelsin künc zərbəsindən asmasından sonra Kinqs başla zərbə endirdi, hədəfdən yayındı. İlk hissə ümumilikdə bərabər səviyyədə keçdi.

2-ci hissə də oxşar minvalla davam etdi. 53-cü dəqiqədə künc zərbəsindən sonra “Zirə”nin qapısı önündə qarışıqlıq yarandı. Nəzarətsiz qalan Ərən qüvvətli zərbə endirdi, lakin Pedro bu dəfə də onun fərqlənməsinə imkan vermədi. Növbəti 10-15 dəqiqə adama yuxu gətirirdi. Amma son 20 dəqiqədə dinamika artdı. 68-ci dəqiqədə meydana çıxan Konate iki dəqiqə sonra matçın antiqəhrəmanı ola bilərdi. Qavi topu onun ayağından qopardı, bir ötürmə ilə Mikelsi təkbətək çıxardı. Ruanda millisinə çağrılan futbolçu topu qapıdan keçirməyi bacardı. Təxminən 4 dəqiqə epizoda VAR-da baxıldı, Rəşad Əhmədov monitora baxdı və özü qərar verdi – Konatenin ayağına zərbə olduğu üçün qolu ləğv etdi. 78-ci dəqiqədə “Karvan-Yevlax” qaydalar çərçivəsində də qol vura bilərdi. Spens rəqiblərini aldatdı, topu Qaviyə ötürdü. Qavi isə saxlamadan ayağının çölü ilə qapıya baxımlı zərbə endirdi. Lakin top qapının yanından keçdi.

79-cu dəqiqədə “vurmayana vurarlar” prinsipi işə düşdü. Qismətin ötürməsindən sonra meydana yenicə çıxan Anatoli topu sinəsi ilə saxladı, “qayçı” fəndi ilə baxımlı qol vurdu. Bu arada, oyunun 76-cı dəqiqəsində mövsümdə ilk yaşandı. Üç fərqli komandada oynayan Mikels qardaşları bu mövsüm ilk dəfə üz-üzə gəldi. 87-ci dəqiqədə Leroy qol da vura bilərdi. Ceyhunun ötürməsindən sonra topu qapıdan kənara vurdu. Öz aramızdı, bu topu qapıdan keçirməmək keçirməkdən daha çətin idi.

Oyun “qartallar”ın qələbəsi ilə yekunlaşdı. Qəsəbə təmsilçisi bunun sayəsində yenidən 4-cü pilləyə qayıtdı. “Karvan-Yevlax” isə...

MÜZƏFFƏR QULUZADƏ