Turan Tovuz - Karvan-Yevlax 1:0 (1:0)
41. Sergey Samok - 6,0
88. Faiq Hacıyev (k) - 5,5
15. Emmanuel Hakman - 6,0
5. Roderik Miller - 5,5
32. Hayderson Urtado - 6,0
7. Xorxe Silva - 5,5
23. Alexandro Serrano - 6,5
19. Roberto Olabe - 6,0
(29. Filip Ozobiç, 69) - 4,0
17. Rəhim Sadıxov - 6,0
11. Ayxan Hüseynov - 6,0
(9. Coş Cinelli, 69) - 4,5
99. İbrahima Vaci - 5,5
(90. Joarlem Batista, 69) - 5,5
Ehtiyat oyunçular
1. Oleq Baklov
13. Mehman Hüseynov
4. Şəhriyar Əliyev
10. Xəyal Nəcəfov
6. Fərid Yusifli
3. Enrike Silva
Baş məşqçi: Kurban Berdıyev
Komandanın ən yaxşısı: Alexandro Serrano

99. Pedro Mateuş - 5,5
13. Vüsal Məsimov - 5,5
(37. Mois Nqvisani, 46) - 5,5
33. Eltun Turabov - 5,5
5. Emin Rüstəmov - 4,5
21. İmani Barker - 5,0
2. Şakil Sno - 5,5
6. Vadim Abdullayev (k) - 6,0
16. Rauf Rüstəmli - 5,5
(19. Tompson Qavi, 73) - 4,0
11. Kayl Spens - 5,0
(10. Samuel Durrant, 89) - qiymətsiz
14. Uğur Cahangirov - 5,5
(8. Peter Kinqs, 73) - 4,0
20. Coy-Sleyd Mikels - 5,0
(17. Samir Abdullayev, 46) - 5,5
Ehtiyat oyunçular
1. Kamran İbrahimov
25. Əmrah Bulud
7. Araz Abdullayev
42. İbrahim Qədirzadə
4. Olavale Onanuqa
Baş məşqçi: Fizuli Məmmədov
Komandanın ən yaxşısı: Vadim Abdullayev

Qol: A.Serrano, 15-p.
Vərəqə: F.Ozobiç, 83 (qeyri-idman hərəkəti) - sarı.
Hakimlər: VÜQAR HƏSƏNLİ, Kamran Bayramov, Zöhrab Abbasov, Murad Səlimov (hamısı Bakı).
VAR hakimi: Nicat İsmayıllı (Bakı).
VAR hakiminin köməkçisi: Pərvin Talıbov (Bakı).
Hakim-inspektor: Orxan Məmmədov (Bakı).
AFFA nümayəndəsi: Məmmədəli Məmmədov (Bakı).
9 fevral. Bakı. “Azərsun Arena”. 400 tamaşaçı (4677 yerlik).
Hər hissəyə 4 dəqiqə əlavə olunub.
Oyunun qiyməti: 4,0.

Elitanı tərk etməsi ilə rəhbərlik səviyyəsində barışan “Karvan-Yevlax” avrokuboklara iddialı “Turan Tovuz”un “qonağı oldu”. Üç mərkəz müdafiəçisi ilə oynayam hər iki komandanın oyununda tempin yüksək olmayacağını təxmin etmək olardı. Amma bu qədər də yox.

9-cu dəqiqədə əməlli qarışıqlıq oldu. Deməli, hakim əvvəlcə penalti, sonra ofsayd qərarını verdi. Sonra isə başqa epizoda - əllə oynamaya görə VAR-a baxandan sonra penalti qərarı verdi. Epizod 9-cu dəqiqədə olmuşdu, 14-cü dəqiqədə yekun qərar verildi. “Nöqtə”yə yaxınlaşan Serrano topu qapıdan keçirdi. Mateuş zərbə istiqamətini tapmışdı, topa da toxundu. Lakin dəf etməyi bacarmadı.

19-cu dəqiqədə başverənlər isə oyunun ən yaddaqalan anı oldu. Künc zərbəsindən sonra əvvəlcə Urtadonun, ardından Ayxanın başla zərbəsi tirdən qayıtdı. İki dəqiqə sonra Fizuli Məmmədovun komandası müdafiədən çıxmaqda çətinlik çəkdi və qapısında təhlükə gördü. Eminin yanlış ötürməsindən sonra Serrano bir ötürmə ilə Ayxanı zərbə mövqeyinə çıxardı. Ayxan da yaxşı zərbə endirdi, lakin Mateuş inamlı oynadı. 25-ci dəqiqədə Faiq uzaqdan zəif və qeyri-dəqiq zərbə ilə yadda qaldı. 37-ci dəqiqədə Miller qol vura bilərdi. Olabenin hiyləgər ötürməsindən sonra topu qəbul edən Roderikin zərbəsi qapının çox üstündən getdi. 3 dəqiqə sonra isə topu özü ilə irəli aparan Vaci iti bucaq altında qüvvətli zərbə endirdi, dəqiq alınmadı. İlk yarıda başqa təhlükə olmadı.

İkinci hissəyə çempionat adına ləkə demək olar. Cansıxıcı, yuxu gətirən, sanki hər iki tərəfin nəticə ilə razılaşdığı hissə izlədik. 47-ci dəqiqədə Rəhimin ara ötürməsindən sonra Vaci zərbə mövqeyinə çıxsa da, heç topu qəbul edə bilmədi. Bir dəqiqə sonra Olabe uzaqdan qüvvətli zərbə endirdi, səkən top “çərçivə”yə getmədi. 52-ci dəqiqədə Samir qapıdan 28-30 metr uzaqlıqda hər kəsin ötürmə edəcəyini düşündüyü anda hiyləgərcəsinə qapıya zərbə endirdi, Samok sayıqlığını itirmədi. Maraqlıdı ki, Samok bu mövsüm cəmi bir oyunda qapıda olub. O da ilk turda elə “Karvan-Yevlax”a qarşı. 74-cü dəqiqədə meydana yenicə daxil olan Ozobiçin zərbəsi isə “aya baxdı, çaya vurdu” misalına bariz nümunə idi.

Oyunda başqa təhlükəli vəziyyət olmadı. “Turan Tovuz” penalti qolu ilə qələbə qazandı və turnir cədvəlində bir pillə irəliləməyi bacardı. Ehtiyatda bir oyunu da olan 33 xalla turnir cədvəlinin üçüncüsüdü. “Karvan-Yevlax” isə aşkar autsayderdi. Bundan sonra komandanı kiminsə “quyudan çıxaracağı” heç inandırıcı görünmür.

Gözdən qaçmadı
// Oyundan sonra azyaşlı azarkeşlər yalnız klub rəsmilərinin olduğu yerdə rahatlıqla gəzir, paltardəyişmə otağına gedən futbolçulara mane olurdular.
// Azarkeşlərdən biri Pedro Mateuşdan forma istədi. O isə yalnız bir formasının olduğunu, sonra da “gəl, şəkil çəkdirək” dedi.

MÜZƏFFƏR QULUZADƏ