Sumqayıt - Sabah (Bakı) 1:3 (0:1)
22. Xəyal Fərzullayev - 5,0
80. Keffel Resende - 5,0
14. Pedro Pinto - 5,5
3. Höccət Haqverdi - 5,0
75. Nadir Orucov - 5,0
8. Səbuhi Abdullazadə (k) - 5,5
95. Nsana Simon - 5,0
(10. Nikola Ninkoviç, 59) - 5,5
23. Ronaldo Vaskez - 6,0
71. Masaki Murata - 5,0
(11. Aleksa Yankoviç, 46) - 5,0
7. Rüstəm Əhmədzadə - 5,0
(19. Roy Kehat, 59) - 5,0
9. Aleksandr Ramalinqom - 5,5
Ehtiyat oyunçular
1. Mehdi Cənnətov
56. Aftandil Arixov
64. Kənan Feyziyev
66. Ruslan Əliyev
37. Nihad Orucəli
Məşqçi: Veliçko Kaplanoviç
Komandanın ən yaxşısı: Ronaldo Vaskez

92. Stas Pokatilov (k) - 6,0
27. Timoteuş Puxaç - 6,5
40. İqor Noqeyra - 6,0
3. Stiv Solvet - 6,0
80. Akim Zedadka - 6,0
46. Aleksey İsayev - 5,0
(11. Kahim Parris, 12) - 6,5
13. İvan Lepinitsa - 6,0
33. Umarali Raxmonaliyev - 5,5
(6. Abdulla Xaybullayev, 72) - 5,5
21. Velko Simiç - 7,0
88. Xəyal Əliyev - 6,0
19. Aron Maluda - 6,0
(70. Cesse Sekidika, 72) - 5,5
Ehtiyat oyunçular
72. Rustam Samiqullin
12. Rauf Əyyubov
17. Tellur Mütəllimov
2. Amin Seydiyev
5. Rəhman Daşdəmiro
89. Cəfər Muxtarov
53. Andrey Santos
Baş məşqçi: Valdas Dambrauskas
Komandanın ən yaxşısı: Velko Simiç

Qollar: V.Simiç, 27 (0:1, T.Puxaç). V.Simiç, 50 (0:2, K.Parris). K.Resende, 62-öz qapısına. (0:3). R.Vaskez, 66 (1:3).
Vərəqələr: R.Əhmədzadə, 9 (qeyri-idman hərəkəti). R.Vaskez, 16 (qeyri-idman hərəkəti). A.Ramalinqom, 55 (hakimin qərarına etiraz). S.Abdullazadə, 88 (hakimin qərarına etiraz). N.Ninkoviç, 90+6 (qeyri-idman hərəkəti) - sarı.
Hakimlər: TURAL QURBANOV, Asiman Əzizli, Rəhman İmami (hamısı Bakı), Rəvan Həmzəzadə (Şəki).
VAR hakimi: İnqilab Məmmədov (Bakı).
VAR hakiminin köməkçisi: Kamran Bayramov (Bakı).
Hakim-inspektor: Ceyhun Haşımov (Bakı).
AFFA nümayəndəsi: Nəriman Axundov (Bakı).
22 dekabr. Sumqayıt, Mehdi Hüseynzadə adına şəhər stadionu. 2700 tamaşaçı (9502 yerlik).
Birinci hissəyə 1, ikinci hissəyə 6 dəqiqə əlavə olunub.
Oyunun qiyməti: 7,0.

İlin son matçının hər iki komanda üçün yetərincə ciddi əhəmiyyət daşıdığı göz önündəydi. Qış fasiləsinə "Sabah" "qış çempionu" kimi yollanmaq istəyirdisə, avrokuboklar uğrunda mübarizə aparan "Sumqayıt" "doğma divarlar" arasında qazanacağı qələbəylə ilk "dördlüy"ə qayıtmağın xəyallarını qururdu.

Gözlənildiyi kimi, arzusuna çatan tərəf Masazır təmsilçisi oldu. Özü də yetərincə inamlı oyun və üstün performansla qazanılan qalibiyyət sayəsində. İş ondadı ki, oyun proqnozlaşdırıldığı qədər sürətli keçmədi. İlk təhlükəli epizoda şahidlik edə bilmək üçün 17-ci dəqiqəyə qədər gözləməli olduq. Burda təxminən 20 metr məsafədən fərqlənmək istəyən Puxaç Xəyalla bacarmadığından komandasını üzdü. Növbəti təhlükə də "Sumqayıt"ın qapısı önündə yaşandı. Bu dəfə Zedadkanın ötürməsini birbaşa zərbəylə tamamlamaq eşqinə düşən Simic qeyri-dəqiq oynadı. O başqa məsələ ki, serbiyalının günahını yumaq üçün çox vaxta ehtiyacı olmadı. 26-cı dəqiqədə Puxaçın göndərdiyi topu öndə qəbul edən yarımmüdafiəçi aşırma zərbəylə qonaqları hesabda önə çıxardı. Nəhayət, 31-ci dəqiqədə meydan sahiblərinin də varlığı hiss olundu. Sadəcə, Simonun həlledici andakı qeyri-dəqiqliyi Pokatilovu narahat etmədi. Düzü, bundan sonra komandaların tutarlı hücumu qeydə alınmadı. Lakin "Sabah"ın üstünlüyü davam etdirmək niyyətində olduğuna şübhə yox idi. Çünki "bayquşlar" rəqibi mərkəzi keçmədən dayandırmağa müvəffəq olurdu. Nəticədə Masazır təmsilçisi fasiləyə öndə yollandı.

Dambrauskasın komandası meydana qayıtdıqdan sonra da sürəti azaltmadı. Yenə Simic... Bəli, qonaqların ikinci qolunun da müəllifi serbiyalı oldu. Umaralinin bir qədər əvvəl imza atdığı qeyri-dəqiq zərbədən sonra növbəti hücumunu reallaşdıran qonaqlar 50-ci dəqiqədə yarımmüdafiəçinin Parrisin ötürməsindən maksimum faydalanması sayəsində üstünlüyünü möhkəmləndirdi. İndi "Sumqayıt"dan daha inadkar oyun gözləmək olardı ki, Resende rəqibin çörəyinə yağ sürtdü: 62-ci dəqiqədə topu öz qapısına göndərdi. O başqa məsələ ki, braziliyalı "çərçivə"ni nişan almağa hazırlaşan Parrisi zərərsizləşdirmək istəyirdi... Hər halda, "Sabah" hesabı darmadağın həddinə çatdırdı. Hələ onu demirik ki, buna qədər həm Maluda, həm də Ronaldo fürsətləri sağa-sola xərclədi. Düzdü, Vaskez 66-cı dəqiqədə buraxılan qollardan birinin əvəzini çıxdı. Daha doğrusu, Pokatilovun Yankoviçin zərbəsindən sonra qarşıladığı topun meydanda qalmasından yararlanaraq adını tabloya yazdırdı. Ancaq bu, meydan sahiblərinin məğlubiyyətdən qurtulması üçün yetərli olmadı. Qalan vaxtda Resende dirəyi "nişan aldısa", Solvetin başla zərbəsi qeyri-dəqiq oldu. 84-cü dəqiqədə isə Xəyal adaşıyla bacarmadı. Ardınca Yankoviç yüzfaizlik qol epizodunu əldən çıxardı. Sözün əsl mənasında boş qapını dəqiq nişan ala bilməyən serbiyalı komandasını daha da məyus etdi.

Belədə "Sabah"ın "qış çempionu" olması üçün maneə qalmadı. "Sumqayıt" isə ilk "dördlüy"ə qayıtmaq imkanını qaçırdı.

Gözdən qaçmadı
// Valdas Dambrauskas matçı qeydə alan dronun "Sabah"ın texniki zonası üzərində uçmasına kəskin etiraz etdi.
// "Sabah" azarkeşləri oyundan sonra "çempion, çempion" şüarını səsləndirdi və komandanı təbrik etdi. "Sumayıt" azarkeşləri də məğlub komandalarına biganə qalmadı.

KƏNAN BAHADIR