“Fənərbaxça” ardıcıl 5-ci qələbəsini qazandı - “Efes” baş məşqçisini istefaya göndərdi
Həftəiçi Avroliqada 13-cü turun oyunları keçirildi.
"Football-plus.az" xəbər verir ki, mövsümün əvvəlində qeyri-sabit nəticələr göstərən “Fənərbaxça”nın artıq yüksəlişə keçdiyini deyə bilərik. “Sarı-lacivərdlilər” hesabat turunda evdə “Virtus”u məğlub etdi. Bu, onların ardıcıl 5-ci qələbəsi oldu. Türkiyənin digər təmsilçisi “Efes” isə “Monako” ilə səfər oyunundan məğlub qayıtdı. “Knyazlar”ın “pivəçilər”i darmadağın etdiyini də deyə bilərik – 102:66.
“Efes”in serbiyalı baş məşqçisi İqor Kokoşkovun məğlubiyyətlə bağlı şərhi:
“Çox təcrübəli komandaya qarşı oynadıq. Oyundan əvvəl səhv payımızın çox az olduğunu bilirdik, rəqib bizi cəzalandırmağın yolunu tapdı. Zəif yönlərimiz ortaya çıxdı. İndi edə biləcəyim tək şey Spanyulisi və “Monako”nu təbrik etməkdi. Növbəti matça köklənməliyik”.
Amma Kokoşkov növbəti matçda iş başında olmayacaq. Ona görə ki, “Efes” rəhbərliyi uğursuz nəticələrə görə onu istefaya göndərdi. “Pivəçilər” yeni baş məşqçi təyinatına qədər Radovan Trifunoviçin rəhbərliyi altında çalışacaq.
Dubay (BƏƏ) – Paris (Fransa) 90:89 (17:32, 29:13, 13:21, 31:23)
Fənərbaxça (Türkiyə) – Virtus B (İtaliya) 66:64 (15:17, 15:14, 20:16, 16:17)
Jalgiris (Litva) – Baskoniya (İspaniya) 82:67 (18:24, 19:18, 17:12, 28:13)
Hapoel T-Ə (İsrail) – Real (İspaniya) 74:75 (18:22, 18:17, 22:21, 16:15)
Panatinaikos (Yunanıstan) – Partizan (Serbiya) 91:69 (27:31, 21:13, 25:6, 18:19)
Valensiya (İspaniya) – Bavariya (Almaniya) 90:67 (19:21, 22:16, 27:12, 22:18)
Monako (Fransa) – Efes (Türkiyə) 102:66 (25:22, 25:21, 20:10, 32:13)
Srvena Zvezda (Serbiya) – Olimpiakos (Yunanıstan) 91: 80 (21:15, 16:23, 22:27, 32:15)
Makkabi T-Ə (İsrail) – Milan (İtaliya) 88:102 (25:27, 23:27, 14:25, 26:23)
Barselona (İspaniya) – ASVEL (Fransa) 88 - 78 (20:19, 25:25, 23:21, 20:13)
Xal durumu: Hapoel T-Ə, Srvena Zvezda, Panatinaikos – 22, Jalgiris, Monako, Olimpiakos, Valensiya, Barselona, Fənərbaxça – 21, Real, Milan - 20, Dubay, Virtus B – 19, Paris, Efes, Bavariya – 18, Baskoniya, Partizan – 17, Makkabi T-Ə, ASVEL – 16.
Digər xəbərlər
