Turan Tovuz - Neftçi (Bakı) 0:0
1. Oleq Baklov - 5,5
7. Xorxe Silva - 5,5
5. Roderik Miller - 5,0
3. Enrike Silva - 5,0
15. Emmanuel Hakman (k) - 5,5
32. Hayderson Urtado - 5,5
19. Roberto Olabe - 5,0
17. Rəhim Sadıxov - 5,0
(29. Filip Ozobiç, 65) - 5,0
11. Ayxan Hüseynov - 5,0
(21. Aleks Souza, 65) - 4,5
23. Alexandro Serrano - 4,5
(10. Xəyal Nəcəfov, 32) - 6,0
90. Joarlem Batista - 5,5
Ehtiyat oyunçular
41. Sergey Samok
13. Mehman Hacıyev
88. Faiq Hacıyev
6. Fərid Yusifli
2. Abdulla Rzayev
77. Veysəl Rzayev
14. Murad Dadaşev
30. Mircamal Əlizadə
Baş məşqçi: Kurban Berdiyev
Komandanın ən yaxşısı: Xəyal Nəcəfov

13. Kenan Piriç (k) - 6,0
15. Elvin Bədəlov - 5,0
5. İqor Ribeyro - 5,5
24. Mustafa Sek - 5,0
6. Sessi D’Almeyda - 5,0
18. İfeanyi Metyu - 5,0
9. Bassala Sambu - 5,0
(22. Luis Ortis, 76) - qiymətsiz
27. Kristian Kostin - 5,0
11. İmad Faraj - 5,5
(47. Murad Məmmədov, 82) - qiymətsiz
10. Freddi Varqas - 5,5
(8. Emin Mahmudov, 76) - qiymətsiz
45. Vensan Abubakar - 5,5
Ehtiyat oyunçular
1. Emil Balayev
93. Rza Cəfərov
17. Murad Xaçayev
19. Ağadadaş Salyanski
14. Edvin Kuç
23. Cordan Rezabala
28. Alessio Kurçi
Məşqçi: Sənan Qurbanov
Komandanın ən yaxşısı: Kenan Piriç

Vərəqə: E.Silva, 16 (qeyri-idman hərəkəti) - sarı.
Hakimlər: Fərid Hacıyev, Rəhman İmami, Müslüm Əliyev, Vüqar Həsənli (hamısı Bakı).
VAR hakimi: Nicat İsmayıllı (Bakı).
VAR hakiminin köməkçisi: Rahil Ramazanov (Bakı).
Hakim-inspektor: Babək Quliyev (Bakı).
AFFA nümayəndəsi: Məmmədəli Məmmədov (Bakı).
28 noyabr. Tovuz. Şəhər stadionu. 4500 tamaşaçı (6500 yerlik).
Birinci hissəyə 2, ikinci hissəyə 4 dəqiqə əlavə olunub.
Oyunun qiyməti: 5,0.

Son iki turda qələbəyə həsrət qalan meydan sahibləri üçün turnir cədvəlində mövqeyini qorumaq baxımından üç xal həyati əhəmiyyət daşıyırdı. “İmişli” ilə oyundan sonra “ağ-qaralar”da baş məşqçi postunun boş qalması da hamıya məlum idi. Elə qonaqlar da son iki oyunda qələbə qazanmamışdı. Sənan Qurbanov uğursuz axarı dəyişməliydi.

İlk saniyələrdə meydan sahibləri təhlükəli hücumla yadda qaldı. Metyunun ötürmə səhvindən sonra Rəhim topu Ayxana çatdırdı. Hüseynov Sadıxova qaytarsa da, onun aşırma zərbəsi dəqiq alınmadı. 10-cu dəqiqədə Abubakar – Varqas - İmad kombinasiyasının ardından sonuncunun qapı önünə göndərdiyi topun qarşısını Hakman kəsdi. Dörd dəqiqə sonra Emmanuelin cinah ötürməsini Joarlem başla tamamlamaq üçün yüksəlsə də, Piriç etibarlı oynadı. 24-cü dəqiqədə Ayxanın cərimə zərbəsindən qapı qarşısına göndərdiyi topu Miller başla qapıya vurmağa çalışdı, amma Ribeyro imkan vermədi. Ardınca küncdən göndərilən topu “Neftçi”nin müdafiəçiləri uzaqlaşdıra bilmədi. Enrike fürsətdən yararlanmaq istəsə də, zərbəsi hədəfdən yayındı. Hissənin sonunda Varqasın küncdən ötürməsini Abubakar başla qapıya yönəltsə də, Baklov yerində idi.

İkinci yarıdakı ilk təhlükəli vəziyyəti “Turan Tovuz” yaratdı. Xəyaldan ötürmə alan Xorxe topu qapı qarşısına göndərdi, Joarlemin başla vurduğu zərbəni isə Piriç zərərsizləşdirdi. 51-ci dəqiqədə, nəhayət, top qapı xəttini keçdi. Sessidən yayınan Rəhim topu Ayxana ötürdü, Hüseynovun zərbəsi dirəyə dəydi. Qayıdan topu Joarlem başla tora göndərdi, amma ofsaydda olduğuna görə qol qeydə alınmadı. 56-cı dəqiqədə Xəyalın uzaqdan güclü zərbəsini Piriç son anda çıxardı. 62-ci dəqiqədə Sekin cərimə zərbəsindən yönəltdiyi top da Baklovun müqavimətini qıra bilmədi. 80-ci dəqiqədə Mahmudovun Abubakara ötürməsi cərimə meydançasında Vensanla Hakmanın mübarizəsi fonunda kamerunlunun əlinə dəydi. Hakim əvvəlcə penalti nöqtəsini göstərsə də, VAR-a baxandan sonra qərarını ləğv etdi. Beləliklə, komandalar meydandan hərəyə 1 xalla ayrıldı. Amma qələbə həsrəti üç oyuna çatan tərəflər, çətin ki, bu xala sevinə.

ƏSƏD SEYİDOV