Araz-Naxçıvan – Turan Tovuz 1:1 (1:0)
12. Kristian Avram – 5,5
5. Slavik Alxasov – 5,5
17. İssuf Paro – 5,5
3. Bəxtiyar Həsənalızadə - 5,5
34. Urfan Abbasov (k) – 6,0
11. Ba-Muaka Simakala – 6,5
(24. Mustafa Əhmədzadə, 79) – qiymətsiz
6. Patrik Andrade – 5,5
29. Vanderson Melo – 5,5
23. Nuno Rodriges – 5,0
(14. Ülvi İsgəndərov, 85) – qiymətsiz
7. Hamidu Keyta – 5,0
(77. Bruno Franko, 66) – 5,0
16. Ramon Maçado – 5,5
Ehtiyat oyunçular
94. Tərlan Əhmədli
76. Süleyman Həsənov
2. Qara Qarayev
8. Coşqun Diniyev
26. Ömər Buludov
22. Elçin Mustafayev
33. Elmir Cəfərov
19. Bar Kohen
Baş məşqçi: Elmar Baxşıyev
Komandanın ən yaxşısı: Ba-Muaka Simakala

1. Oleq Baklov – 5,5
3. Enrike Silva – 5,5
88. Faiq Hacıyev (k) – 5,5
32. Hayderson Uurtado – 5,5
15. Emmanuel Hakman – 5,5
7. Xorxe Silva – 5,5
29. Filip Ozobiç – 5,0
(17. Rəhim Sadıxov, 46) – 6,0
6. Fərid Yusifli – 5,0
(10. Xəyal Nəcəfov, 46) – 5,5
23. Alexandro Serrano – 5,5
90. Jo Batista – 5,5
21. Aleks Souza – 5,0
(11. Ayxan Hüseynov, 62) – 6,5
Ehtiyat oyunçular
41. Sergey Samok
13. Mehman Hacıyev
2. Abdulla Rzayev
77. Veysəl Rzayev
73. Ülvü Mədətov
14. Murad Dadaşev
30. Mircamal Əlizadə
Baş məşqçi: Kurban Berdıyev
Komandanın ən yaxşısı: Ayxan Hüseynov

Qollar: B.M.Simakala, 21 (1:0, U.Abbasov). A.Hüseynov, 79 (1:1, R,Sadıxov).
Vərəqələr: B.Həsənalızadə, 32 (qeyri-idman hərəkəti). B-M.Simakala, 44 (qeyri-idman hərəkəti). J.Batista, 54 (qeyri-idman hərəkəti). X.Silva, 60 (qeyri-idman hərəkəti). P.Andrade, 77 (qeyri-idman hərəkəti). X.Nəcəfov, 77 (qeyri-idman hərəkəti) – sarı.
Hakimlər: RƏVAN HƏMZƏZADƏ (Şəki), Cəmil Quliyev, Gülnurə Əkbərzadə, İslam Məmmədov (hamısı Bakı).
VAR hakimi: Rəşad Əhmədov (Mingəçevir).
VAR hakiminin köməkçisi: Vüqar Həsənli (Bakı).
Hakim-inspektor: Ömər Paşayev (Bakı).
AFFA nümayəndəsi: Eldar Məmmədov (Bakı).
22 noyabr. Sumqayıt. Mehdi Hüseynzadə adına şəhər stadionu. 250 tamaşaçı (9502 yerlik).
Birinci hissəyə 1, ikinci hissəyə 4 dəqiqə əlavə olunub.
Oyunun qiyməti: 5,5.

Düzdü, həm “Araz-Naxçıvan”, həm də “Turan Tovuz” ölkəmizi Avropada təmsil etmək niyyətindədi. Ancaq komandaların sabit nəticələr qazanmaqda çətinlik çəkməsi turnir hədəflərini ciddi təhlükə altına atır. Odu ki, kollektivlər indiki mövqelərini fürsətdən istifadə edə bilməyən rəqibləriylə birinci dövrədə qazandığı nəticələrə borcludu desək, yanılmarıq. Axı həqiqətən də nə “qırmızı-ağlar” baxımlı oyunla göz oxşayıb sərfəli nəticələr qazana bilir, nə də “bozqurd”. Məsələnin daha acı tərəfi isə tilsimin bu matçda da qırılmamasıdı.

Bəli, komandalar bu görüşdə də özünə oxşamadı. Yəni bir qədər sonra bəhs edəcəyimiz təhlükəli vəziyyətlərin azlığına görə bizi qınamayın. Hər halda, avrokuboklara vəsiqəyə iddialı komandaların duelini daha gərgin notlarla diqqətinizə çatdırmaq istərdik...
Tərəflər ilk dəqiqələrdə ehtiyatlı oyuna üstünlük verdi. Odu ki, ilk 20 dəqiqədə cəmi bir təhlükəli vəziyyət qeydə alındı. Daha doğrusu, 7-ci dəqiqədə Souza yöndəmsiz zərbə vurdu. Zərbə nəinki qeyri-dəqiq oldu, heç Avramı narahat da etmədi.

Tədricən üstünlüyü ələ alan “Araz-Naxçıvan”ın hesabı açmasına isə çox vaxt lazım olmadı. 21-ci dəqiqədə sağ cinahla irəliləyən Urfanın cərimə meydançasına göndərdiyi top Simakalanın “qayçı” zərbəsindən sonra tora qovuşdu. Bir qədər sonra Keytanın qeyri-dəqiqliyinə şahidlik etdik. 45+1-ci dəqiqədə başla bəxtini sınayan Urtado isə Avramla bacarmadı. Belədə “bozqurd”un fasiləyə geridə yollanması qaçılmaz oldu. İndi qonaqların ən azı hesabı bərabərləşdirməkdən başqa çarəsi yox idi. Berdıyev məhz bu məqsədlə Ozobiçlə Fəridi, uyğun olaraq, Rəhim və Xəyalla əvəz etsə də, hadisələrin axarında ciddi dəyişiklik olmadı. 55-ci dəqiqədə məhz Rəhim Avramla mübarizədən məğlub ayrıldı.

Qonaqlar Ayxan meydana çıxandan sonra bir qədər fəallaşdı. Düzdü, o, 64-cü dəqiqədə ələ düşən imkanı qeyri-dəqiqlik üzündən qaçırdı. Ancaq bu, yarımmüdafiəçinin hesabı bərabərləşdirmək cəhdlərinə mane olmadı: 78-ci dəqiqədə Rəhimin ötürməsindən maksimum yararlanan Ayxan komandasına xal qazandıran qolu vurdu. Tərəflər qalan vaxtda hərəyə bir hücumla yadda qaldı. 83-cü dəqiqədə Batista qapıçıyla bacarmadısa, bir qədər sonra Rodriges qeyri-dəqiq oynadı.

Beləliklə, komandalar bir xalla kifayətləndi. Bəli, bu cür matın “sülh”lə bitməsi ədalətli nəticədi. Ancaq heç-heçə nə çempionluq uğrunda mübarizə aparan “bozqurd”u sevindirə bilər, nə də turu 6-cı pillədə başa vuran “qırmızı-ağlar”ı...

Gözdən qaçmadı
// “Turan Tovuz”un məqşçisi Yunis Hüseynov 73-cü dəqiqədə hakimin qərarına etiraz etdiyinə görə sarı vərəqə aldı.
// “Sektor 85” və “Turan Ultras” fanklubları tribunada idi. Tovuzlu azarkeşlər Sumqayıtın oyun gününə təsadüf edən 76 illiyini “Sumqayıt. Ad günün mübarək olsun” şüarıyla təbrik etdi. Onlar Rəvan Həmzəzadəni “AFFA-nın köpəyi” adlandırdı.
// Matçı tribunadan izləyənlər arasında “Turan Tovuz”un 1 ilə yaxındı zədə üzündən yaşıl meydanlardan kənarda qalan və Portuqaliyada müalicə olunandan sonra ölkəmizə qayıdan futbolçusu Denis Marandiçi də var idi.

KƏNAN BAHADIR