Karvan-Yevlax - Kəpəz (Gəncə) 1:2 (1:1)
1. Kamran İbrahimov - 6,0
13. Vüsal Məsimov - 4,0
32. Elvin Yunuszadə - 3,5
(42. İbrahim Qədirzadə, 82) - qiymətsiz
33. Etun Turabov - 5,0
(4. Olavale Doyeni, 46) - 5,0
21. İmani Barker - 5,5
2. Şakil Sno - 5,5
6. Vadim Abdullayev - 5,0
(12. Vitor Roşa, 82) - qiymətsiz
11. Kayl Spens - 6,0
9. Tompson Qavi - 5,5
8. Peter Kinqs - 5,0
(10. Samuel Durant, 55) - 5,0
7. Araz Abdullayev (k) - 6,5
Ehtiyat oyunçular
25. Əmrah Bulud
22. Qabil Əlizadə
14. Uğur Cahangirov
77. Əli Abdullayev
5. Nika Çaçaşvili
37. Mois Nqvisani
Baş məşqçi: Azər Həşimov
Komandanın ən yaxşısı: Araz Abdullayev

33. Yusif İmanov - 5,5
7. Ehtiram Şahverdiyev - 5,0
(5. Rauf Hüseynli, 68) – 5,5
29. Dioqo Verdaşka (k) - 5,5
27. Məqsəd İsayev - 5,0
17. Ümid Səmədov – 5,5
88. Şakir Seyidov - 4,5
24. Olavale Onanuqa - 5,0
6. Pedro Qomeş - 5,5
(38. Cefferson Bentu, 68) - 5,5
77. Fərid Nəbiyev - 5,5
(53. Şahmar Aşurov, 90+4) - qiymətsiz
10. Rinosuke Ohori - 5,5
9. Luis Paçu - 6,0
(21. Sadiq Şəfiyev, 68) - 5,5
Ehtiyat oyunçular
1. Kasper Rosa
14. Uğur Cahangirov
77. Əli Abdullayev
81. Elgün Bayramov
5. Nika Çaçaşvili
37. Mois Nqvisani
3. Said İranxan
Baş məşqçi: Azər Bağırov
Komandanın ən yaxşısı: Luis Paçu

Qollar: L.Paçu, 14 (0:1). A.Abdullayev, 32 (1:1, V.Abdullayev). R.Hüseynli, 76-p. (1:2).
Vərəqələr: V.Məsimov, 20 (qeyri-idman hərəkəti). V.Abdullayev, 74 (hakimin qərarına etiraz). O.Doyeni, 85 (hakimin qərarına etiraz). A.Abdullayev, 85 (hakimin qərarına etiraz). İ.Barker,90+4 (qeyri-idman hərəkəti) - sarı.
Hakimlər: RAUF CABBAROV, Elşad Abdullayev, Pərvin Talıbov, Vüqar Həsənli (hamısı Bakı).
VAR hakimi: Elçin Məsiyev (Bakı).
VAR hakiminin köməkçisi: Namiq Hüseynov (Bakı).
AFFA nümayəndəsi: İlham Əliyev (Bakı).
21 noyabr. Yevlax. Şəhər stadionu. 4000 tamaşaçı (6000 yerlik).
Birinci hissəyə 1, ikinci hissəyə 6 dəqiqə əlavə olunub.
Oyunub qiyməti: 6,5.

15 illik aradan sonra Yevlaxda premyer-liqa oyunu keçiriləcəkdi. Həm bu məqam, həm də turnir cədvəlindəki durum “Karvan-Yevlax”ı yalnız qələbə üçün oynamağa məcbur edirdi. “Kəpəz” də sonda qərarlaşdığından faktiki bu, 6 xallıq oyun idi.

Odu ki, oyunun qarşılıqlı hücumlar şəraitində başlaması təəccüb doğurmadı. Futbolçular mübarizədən çəkinmir, meydanın hər qarışı uğrunda döyüşürdü. Oyunda hesab erkən açıldı. Şakirin uzun ötürməsini uzaqlaşdırmaq istəyən Barker topa düzgün toxuna bilmədi. Səhvdən yararlanan Fərid dərhal Ehtiramı gördü. Ehtiramın qapı qarşısına göndərdiyi incə ötürməni Paçu başla tamamlayaraq “Kəpəz”i önə keçirdi. Amma 17 dəqiqə sonra meydan sahibləri hesabı bərabərləşdirə bildi. Vadim, Spens və Arazın qurduğu hücumun sonunda Abdullayev “Kəpəz”in yeni qapıçısı ilə üzbəüz qalıb topu onun ayaqları arasından keçirdi.

2-ci hissə başlayanda aydın oldu ki, heyətlərdə yalnız bir dəyişiklik var: Azər Həşimov Turabovu Doyeni ilə əvəzləməyi lazım bildi. İkinci hissəyə də meydan sahibləri daha fəal başladı. 61-ci dəqiqədə Snonun dabanla geriyə ötürməsi Araz üçün ideal fürsət yaratsa da, onun iti zərbəsini Ümid əla reaksiya ilə çıxardı. 63-cü dəqiqədə isə meydan sahiblərinin qapıçısı qapıçısı Kamran İbrahimov ardıcıl iki seyv etdi. O, Əvvəlcə Paçunun, ardından Ohorinin təhlükəli zərbəsini dəf etdi. 74-cü dəqiqədə Ehtiram Şahverdiyevin cərimə zərbəsindən qapı qarşısına ötürdüyü topu Vadim Abdullayev uzaqlaşdıra bilmədi. Qayıdan topu Şakir qapıya göndərmək istəsə də, müdafiə blokladı. Sno topu Qaviyə ötürməyi düşündüyü anda Məqsəd epizoda müdaxilə etdi və bu qarışıqlıqda Qavi rəqibin ayağına zərbə vuraraq penaltiyə səbəbkar oldu. Zərbəni soyuqqanlı şəkildə yerinə yetirən Rauf Hüseynli “Kəpəz”i növbəti dəfə önə çıxardı.

84-cü dəqiqədə yevlaxlılar hesabı bərabərləşdirməyə çox yaxın idi. Durrantın qapı önünə göndərdiyi topa Yusif İmanov uğursuz şəkildə toxundu və avtoqol təhlükəsi yarandı. Lakin Ümid Səmədov son anda topu qapı xəttindən çıxarmağı bacardı. Epizod VAR-da yoxlanılandan sonra topun xətti keçmədiyi təsdiqləndi.

Gözdən qaçmadı
* 44-cü dəqiqədə “Şəhidlər ölməz, Vətən bölünməz” şüarı səslənəndə hərbi polislərdən bəziləri ayağa qalxmadı. Halbuki həmkarı onlardan qalxmağı xahiş edilmişdi. Hətta polislərdən biri canlı açmışdı.
* 90-cı dəqiqədə azyaşlı uşaq meydana girsə də, Rauf Cabbarov da oyunu dayandırmadı. Yeri gəlmişkən, azarkeşlər hakimə butılka atdı
* 27-ci dəqiqədə Əli Abdullayev Vüsal Məsimovun əvəzinə meydana çıxmalı olsa da, ikinci etiraz etdi, meydanda qaldı, özü də 90 dəqiqə.
* Oyun başa çatandan sonra İmani Barker fərdi şəkildə məşq edirdi.

MÜZƏFFƏR QULUZADƏ