Şamaxı - Kəpəz (Gəncə) 1:4 (1:3)
1. Rikardo Fernandes (k) - 4,0
82. Rüfət Abbasov – 5,0
(24. Sənan Muradlı, 85) - qiymətsiz
44. David Santos – 4,5
3. Vladislav Veremeyev - 4,5
(5. Arsen Ağcabəyov, 71) - 4,0
4. Sezar Enrike – 5,5
80. Həbib İsmayılov - 3,0
(17. Rafael Məhərrəmli, 38) - 4,0
8. Alfons Msanqa – 4,5
(97. Oruc Məmmədov, 71) - 4,0
11. Dioqo Balau – 4,0
13. Rikardo Apolinario - 3,5
19. Abdullahi Şuaybu - 3,0
9. Karim Rossi – 4,5
77. Nihat Mehralıyev, 71) - 3,0
Ehtiyat oyunçular
62. Abdulla Seydəhmədov
99. Səlim Həşimov
21. Bilal İsmayılov
27. Emil Süleymanov
14. Ravil Qafarov
6. Antonio Lara
Baş məşqçi: Ayxan Abbasov
Komandanın ən yaxşısı: Sezar Enrike

1. Kasper Rosa – 5,5
27. Məqsəd İsayev - 6,0
(17. Ümid Səmədov, 83) - qiymətsiz
38. Cefferson Bentu – 5,5
29. Dioqo Verdaşka (k) - 5,5
88. Şakir Seyidov – 5,0
12. Mahamadu Ba – 5,5
(5. Rauf Hüseynli, 63) - 5,0
24. Olavale Onanuqa – 5,0
77. Fərid Nəbiyev - 7,5
(99. Əli Səmədov, 87) - qiymətsiz
10. Rinosuke Ohori – 6,5
11. Vitor Feyjao – 6,0
(7. Ehtiram Şahverdiyev, 63) - 4,5
9. Luis Paçu - 7,0
(53. Şahmar Aşurov, 87) - qiymətsiz
Ehtiyat oyunçular
22. Məmməd Hüseynov
20. Elcan Əbilov
23. Fərid Kələntərov
66. Arzu Atakişiyev
21. Sadiq Şəfiyev
55. Kresus Donqo
6. Pedro Qomeş
Baş məşqçi: Azər Bağırov
Komandanın ən yaxşısı: Fərid Nəbiyev

Qollar: S.Enrike, 11 (1:0, D.Santos). F.Nəbiyev, 34 (1:1). F.Nəbiyev, 39 (1:2, M.İsayev). L.Paçu, 67-p. (1:3). L.Paçu, 86 (1:4, F.Nəbiyev).
Vərəqələr: D.Verdaşka, 44 (qeyri-idman hərəkəti) M.Ba, 46 (qeyri-idman hərəkəti). R.Məhərrəmli, 64 (qeyri-idman hərəkəti). S.Enrike, 79 (qeyri-idman hərəkəti). O.Məmmədov, 90+1 (qeyri-idman hərəkəti). E.Şahverdiyev, 90+1 (qeyri-idman hərəkəti). K.Rosa, 90+3 (oyunun bərpasının ləngidilməsi) - sarı. A.Şuaybu, 44 (təcavüzkar davranış) - qırmızı.
Hakimlər: ƏLİYAR AĞAYEV, Zeynal Zeynalov, Akif Əmrəli, Əkbər Əhmədov (hamısı Bakı).
VAR hakimi: Rəşad Əhmədov (Mingəçevir).
VAR hakiminin köməkçisi: Zöhrab Abbasov (Bakı).
Hakim-inspektor: Asim Xudiyev (Bakı).
AFFA nümayəndəsi: Azər Əsgərov (Bakı).
14 oktyabr. Şamaxı. şəhər stadionu. 500 tamaşaçı (2200 yerlik).
Birinci hissəyə 4, ikinci hissəyə 3 dəqiqə əlavə olunub.
Oyunun qiyməti: 5,5.

Uzun müddət yığmanın düşərgəsində olan Ayxan Abbasovun bu müddətdə rəqibi təhlik etmək üçün yaxşı vaxt qazanan Azər Bağırovun “Kəpəz”i ilə dueldə çətinlik çəkəcəyi aydın idi.

Lakin oyun “şirlər”in istədiyi kimi başladı. Matçda ilk təhlükəli vəziyyəti yaradan meydan sahibləri hesabı da açmağa nail oldu. Cərimə zərbəsindən sonra Rüfətin asması Santosa gəldi. Onun başla ötürməsini isə Enrike qolla tamamladı. Oyunda temp çox aşağı, təhlükəli vəziyyətlərin sayı da az idi. Gəncəlilər ilk təhlükəli vəziyyəti 30-cu dəqiqədə yarada bildi. Banın uzaqdan zərbəsi tirin üstündən keçdi. 34-cü dəqiqədə isə qolda məhsuldar ötürmə ilə önəmli rol oynayan Santos çox kobud səhvə yol verdi. Qarşısına gələn topu düz Fəridin ayağına verdi. Fərid də belə hədiyyəni dəyərləndirməyə bilməzdi. Qoldan ruhlanan gəncəlilər fasiləyə üstün yollandı. 39-cu dəqiqədə cərimə meydançasına şığıyan Ohori topu Məqsədə ötürdü. Məqsəd Fəridi “gördü”, Fərid də tək toxunuşla topu qapıya göndərdi. Beləliklə, “sarı-göylər” hissə başa çatmamış vəziyyəti öz xeyrinə dəyişə bildi.

Oyunun qırılma nöqtəsi 43-cü dəqiqəyə təsadüf etdi. Şuaybu çox yersiz hərəkət etdiyinə görə sarı vərəqə aldı. İşə müdaxilə edən VAR Əliyar Ağayevi çağırdı. FİFA referisi VAR-a baxandan sonra “sarı”nı “qırmızı” ilə dəyişdi. İlk hissənin sonlarında azlıqda qalan Ayxan Abbasovun komandası sanki oyundan qopdu. Hesabda geri olmaları, əsas oyunçularından birini itirmələri “şirlər”in oyun planını pozdu. Amma Azər Bağırovun da haqqını vermək lazımdı. Gəncəlilərin qələbə istəyi aşkar hiss olunurdu. Buna baxmayaraq, 2-ci hissədə ilk təhlükə meydan sahiblərindən gəldi. Rüfətin asmasından sonra Rossinin başla zərbəsi qapının üstündən keçdi.

64-cü dəqiqədə Rafael cərimə meydançasında Paçuya qarşı kobud oynadı - zərbə vurmaq istəyəndə tutub yıxdı. Hakim Rafaeli “sarı” ilə cəzalandırmaqla yanaşı, “Şamaxı”nın qapısına penalti təyin etdi. “Nöqtə”yə yaxınlaşan Paçu hədəfdən yayınmadı. Artıq daha rahat oynayan gəncəlilər rəqibi mərkəzdəcə qabaqlayır, əks-hücumlara çıxmağa çalışırdılar. 85-ci dəqiqədə bu taktika özünü doğrultdu. Fəridin ötürməsindən sonra təkbətək çıxan Paçu topu qapıçının ayaqları arasından qapıya göndərdi.

Oyunun geri qalan hissəsində isə heç bir təhlükə sezilmədi. Beləliklə, Azər Bağırovun gəlişindən sonra ikinci oyuna çıxan “Kəpəz” parlaq qələbə qazandı.

Gözdən qaçmadı
* “Ayın qolu” layihisənin avqust və sentyabr üçün qalibləri - Dioqo Balau və Andrey Tırkovyanu mükafatlandırıldı.
* Matçın sonlarına yaxın Ehtiram Şahverdiyevlə Oruc Məmmədov arasında insident yaşandı, Ehtiram Oruca hədə-qorxu gəldi.
* Meydan sahibləri 3-cü qolu buraxanda gəncəli azarkeşlər “Şamaxı, ay Şamaxı” mahnısını oxudu.

MÜZƏFFƏR QULUZADƏ