Rusiya premyer-liqasında mübarizə aparan "Krılya Sovetov" azərbaycanlı futbolçu Azər Əliyevlə yollarını ayırıb. Samara təmsilçisinin rəsmi saytında yer alan xəbərə görə, klub gənc yarımmüdafiəçi ilə müqaviləni qarşılıqlı razılıq əsasında pozub. Azər ötən mövsümdən çıxış etdiyi "Krılya Sovetov"un heyətində 1-ci divizionda Rusiya kubokunu da nəzərə alsaq, 40 matç keçirib və 5 qol vurub. O, cari mövsümdə isə premyer-liqada 1 oyuna çıxıb. Daha dəqiq desək, "Rostov"la qarşılaşmada sonradan meydana çıxıb.
Qeyd edək ki, "Krılya Sovetov" bu yay yığmamızın hücumçusu Ramil Şeydayevi heyətinə cəlb edib.