Qarabağ (Ağdam) - Kəpəz (Gəncə) 1:0 (1:0)
1. Şahruddin Məhəmmədəliyev - 6,0
27. Toral Bayramov - 6,0
3. Sami Mmae - 6,5
55. Bədavi Hüseynov (k) - 5,0
18. Dani Bolt - 5,5
32. Hikmət Cəbrayılzadə - 6,0
(20. Kadi Borges, 60) - 5,0
6. Kris Kuaku - 5,0
(35. Pedro Bikalyo, 72) - 4,0
77. Ramil Şeydayev - 5,5
(15. Leandro Andrade, 60) - 5,0
11. Emmanuel Addai - 5,0
(10. Abdulla Zubir, 72) - 5,0
7. Nəriman Axundzadə - 5,5
22. Musa Qurbanlı - 5,5
(17. Kamilo Duran, 85) - qiymətsiz
Ehtiyat oyunçular
99. Mateuş Koxalski
97. Fabian Buntiç
13. Bəhlul Mustafazadə
44. Elvin Cəfərquliyev
81. Kevin Medina
2. Mateus Silva
21. Aleksey Kaşuk
Baş məşqçi: Qurban Qurbanov
Komandanın ən yaxşısı: Sami Mmae

1. Kasper Rosa - 5,5
24. Olavale Onanuqa - 4,5
(88. Şakir Seyidov, 66) - 3,5
29. Dioqo Verdaşka - 5,0
38. Cefferson Bentu - 5,0
7. Ehtiram Şahverdiyev - 5,0
(66. Arzu Atakişiyev, 85) - qiymətsiz
77. Fərid Nəbiyev - 5,0
(20. Elcan Əbilov, 85) - qiymətsiz
12. Mahamadu Ba - 5,5
27. Məqsəd İsayev - 5,0
(17. Ümid Səmədov, 54) - 4,5
10. Rinosuke Ohori - 6,0
11. Vitor Feyjao - 5,5
(55. Kresus Donqo, 66) - 5,0
9. Luis Paçu - 5,5
Ehtiyat oyunçular
22. Məmməd Hüseynov
99. Əli Səmədov
15. Raul Məmmədov
23. Fərid Kələntərov
21. Sadiq Şəfiyev
19. Otar Aptsiauri
6. Pedro Qomeş
Baş məşqçi: Azər Bağırov
Komandanın ən yaxşısı: Rinosuke Ohori

Qol: S.Mmae, 32 (T.Bayramov).
Vərəqələr: V.Feyjao, 9 (qeyri-idman hərəkəti). D.Bolt, 51 (qeyri-idman hərəkəti). Ə.Səmədov, 70 (hakimin qərarına etiraz). D.Verdaşka, 90+3 (qeyri-idman hərəkəti). K.Borges, 90+3 (qeyri-idman hərəkəti - sarı.
Hakimlər: NİCAT İSMAYILLI, Rahil Ramazanov, Kərim Zeynalov, Vüqar Həsənli (hamısı Bakı).
VAR hakimi: Əli Əliyev (Bakı).
VAR hakiminin köməkçisi: Rəşad Əhmədov (Mingəçevir).
Hakim-inspektor: Babək Quliyev (Bakı).
AFFA nümayəndəsi: Asif Əliyev (Bakı).
4 oktyabr. Bakı. “Azərsun Arena”. 1200 tamaşaçı (5800 yerlik).
Birinci hissəyə 1, ikinci hissəyə 3 dəqiqə əlavə olunub.
Oyunun qiyməti: 4,5.

Həftəiçi “Kopenhagen”i Bakıdan əliboş yola salan “Qarabağ” mövsümün startından bəri xala həsrət qalan “Kəpəz”i qəbul etdi. Bu öz yerində, oyunla bağlı ən cəlbedici məqamlardan biri Azər Bağırovun “Kəpəz”ə dönüşü, gəncəli azarkeşlərin ümidlərini nə dərəcədə doğruldacağı idi. Qurban Qurbanovun, nəhayət, Ramil Şeydayevə şans verib-verməyəcəyi də maraq doğururdu.

“Köhlən atlar” artıq 3-cü dəqiqədə topu rəqib qapısından keçirdi. Künc zərbəsindən sonra Musanın ötürməsini Bolt tora qovuşdurdu. Lakin qayda pozuntusuna görə qol qeydə alınmadı. Oyunda diqqət mərkəzində olan futbolçulardan biri Hikmət idi. Çox rahat oynayırdı. Topu itirəndə də əzmkarlıq göstərərək komandasına qazandırırdı. 10-cu dəqiqədə 26-27 metrdən qapıya zərbə də endirdi, qapıçı topu dəf edə bildi. 35-ci dəqiqədə “Qarabağ” müdafiəsinin gerisinə ötürmə edildi. Bədavi kobud səhvə yol verib topu Paçuya buraxdı. Onun ötürnəsindən sonra Ohori başla uğursuz zərbə endirdi, Şahruddin topu tutdu. Bir neçə saniyə sonra isə yaponiyalı futbolçu baxımlı zərbə vurdu, yenə Şah qola imkan vermədi.

Bu hücumun cavabı 38-ci dəqiqədə gəldi. Toral kornerdən topu uzaq küncdə dayanan Mmaeyə göndərdi, o da başla baxımlı zərbə vurdu. Ehtiram topu çıxarmağa çalışsa da, alınmadı - hesab açıldı. 44-cü dəqiqədə ağdamlılar Qurbanovun ev tapşırığını yaxşı yerinə yetirdilər. Toralın ötürməsindən sonra Bolt qapı qarşısına asma etdi, Ramilin baxımlı zərbəsi qarşısında qapıçı da aciz qaldı. Lakin müdafiəçilər topun qapıdan keçməsinə mane oldu. Bir dəqiqə sonra isə künc zərbəsindən gələn asmanı Musa başla tamamladı, Rosa əla seyv etdi.

İkinci hissədə temp aşağı düşdü. Qazonun durumu da buna təsir etdi, hətta Qurban Qurbanov da mətbuat konfransında bu məsələyə toxundu. İlk təhlükəli vəziyyət 73-cü dəqiqədə qeydə alındı. Ohori yenidən Şahruddinin qapısını yoxladı. Onun təxminən 28 metrdən qapıya zərbəsindən sonra top tirin üstündən keçdi.

İkinci hissənin ikinci yarısında Qurbanov “ağır artilleriyası”nı meydana buraxmaqla oyunu canlandırdı. 79-cu dəqiqədə Leandro cərimə meydançasının xətti üzərindən şansını yoxladı, bəxt ondan üz döndərdi - top qapının yanından keçdi. Dörd dəqiqə sonra Ohori yenidən “Qarabağ”ın qapısına zərbə vurdu, bu dəfə daha uğursuz şəkildə. Oyunun sonlarına qədər tərəflərin cəhdləri olsa da, hesab dəyişmədi. “Kəpəz” hələ də xala həsrətdi, “Qarabağ” isə potensial liderliyi qoruyur.

Gözdən qaçmadı
* “Kəpəz” azarkeşləri “hər zaman, hər yerdə ən böyük “Kəpəz” şüarını səsləndirdi, “İmarət Tayfa” dərhal reaksiya göstərdi: “Ən böyük “Qarabağ”, başqa böyük yox”.

MÜZƏFFƏR QULUZADƏ