Avropa çempionatının seçmə mərhələsi çərçivəsində sentyabrın 6-da Bakıda İsrail, 11-də isə Norveç ilə qarşılaşacaq 21 yaşadək futbolçulardan ibarət yığma dünəndən təlim-məşq toplanışına başlayıb. Baş məşqçi Rəşad Sadıqov yığmamızın toplanış və oyunlar üçün heyətini açıqlayıb. Gənc mütəxəssisin dəvət göndərdiyi futbolçular arasında 6 legioner var. Onlardan “milliləşdirilən” türkiyəli yarımmüdafiçi Barış Əkinçiər vaxtilə U-19 yığmamıza cəlb olunub və Sadıqov ilk dəfə onu U-21-ə cəlb edib. Ev oyunları üçün 25 namizədə dəvət göndərilib: Kamran İbrahimov, Ömər Buludov, Anton Krivotsyuk, Elvin Sərkərov (hamısı “Neftçi”), Nicat Mehbalıyev, İsmayıl İbrahimli, Hacıağa Hacılı, İbrahim Hüseynov (hamısı “Qarabağ”), Amin Seydiyev, Bəhlul Mustafazadə, Qismət Alıyev (hamısı “Qəbələ”), Yusif Nəbiyev, Ülvi İsgəndərov (hər ikisi “Sumqayıt”), İlkin Muradov, Budaq Nəsirov (hər ikisi “Zirə”), Murtuz Abakarov, Fəhmin Muradbəyli (hər ikisi “Səbail”), Aydın Bayramov (Sabah), Sərtan Taşkın (Keşlə), Ziya Əzizov (“Neymegen”, Hollandiya), Ozan Can Kökcü (“Girəsunspor”, Türkiyə), Fərid Nəbiyev (“Slaviya”, Çexiya), Barış Əkinçiər (“Bohum 1848”, Almaniya), Murad Mahmudov (“Ayntraxt”, Frankfurt/Almaniya), Renat Dadaşov (“Eştoril”, Portuqaliya).
MİRAĞA