Kəpəz (Gəncə) - Araz-Naxçıvan 0:2 (0:0)
22. Məmməd Hüseynov - 5,0
29. Məqsəd İsayev - 5,5
38. Cefferson Bentu - 5,0
29. Dioqo Verdaşka - 5,0
88. Şakir Seyidov - 5,5
(21. Sadiq Şəfiyev, 81) - qiymətsiz
7. Ehtiram Şahverdiyev - 5,0
(15. Raul Məmmədov, 73) - 3,5
6. Pedro Qomeş - 4,5
12. Mahamadu Ba - 4,5
10. Rinosuke Ohori - 6,0
(55. Kresus Donqo, 73) - 4,0
11. Vitor Feyjao - 5,5
(77. Fərid Nəbiyev, 81) - qiymətsiz
9. Luis Paçu - 5,0
Ehtiyat oyunçular
1. Kasper Rosa
81. Elgün Bayramov
99. Əli Səmədov
17. Ümid Səmədov
20. Elcan Əbilov
23. Fərid Kələntərov
66. Arzu Atakişiyev
19. Otar Aptsiauri
Baş məşqçi: Adil Şükürov
Komandanın ən yaxşısı: Rinosuke Ohori

12. Kristian Avram - 5,5
5. Slavik Alxasov - 7,0
4. Rahil Məmmədov - 5,5
17. İssuf Paro - 5,5
34. Urfan Abbasov - 5,0
29. Vanderson Melo - 5,5
(2. Qara Qarayev, 77) - qiymətsiz
6. Patrik Andrade - 6,0
(8. Coşqun Diniyev, 89) - qiymətsiz
10. Felipe Santos - 6,5
23. Nuno Rodriges - 6,0
(19. Bar Kohen, 66) - 6,0
70. Şarl Boli - 5,5
(7. Hamidu Keyta, 66) - 5,0
11. Çance Simakala Ba-Muaka - 6,5
(14. Ülvi İsgəndərov, 66) – 6,0
Ehtiyat oyunçular
94. Tərlan Əhmədli
3. Bəxtiyar Həsənalızadə
26. Ömər Buludov
22. Elçin Mustafayev
24. Mustafa Əhmədzadə
77. Bruno Franko
Baş məşqçi: Elmar Baxşıyev
Komandanın ən yaxşısı: Slavik Alxasov
Qollar: S.Alxasov, 65 (0:1, Ç.Simakala). B.Kohen, 86 (0:2, F.Santos).
Hakimlər: RAUF CABBAROV, Zöhrab Abbasov, Şirmamed Mamedov, İslam Məmmədov (hamısı Bakı).
VAR hakimi: Əliyar Ağayev (Bakı).
VAR hakiminin köməkçisi: Zeynal Zeynalov (Bakı).
Hakim-inspektor: Munis Abdullayev (Bakı).
AFFA nümayəndəsi: Mübariz Hüseynov (Gəncə).
12 sentyabr. Qəbələ. Şəhər stadionu. 200 tamaşaçı (4500 yerlik).
Birinci hissəyə 1, ikinci hissəyə 4 dəqiqə əlavə olunub.
Oyunun qiyməti: 5,5.

“Araz-Naxçıvan” Qəbələyə cari mövsümdə uduzmayan komanda kimi təşrif buyurmuşdu, “Kəpəz” isə ardıcıl üç məğlubiyyətdən sonra, nəhayət, xal qazanmaq istəyirdi. Düşünmək olardı ki, yığma fasiləsi Adil Şükürovun və gəncəlilərin işinə yarayacaq. Ancaq...

Çox sürətli başlayan oyunun axarına nəzarət, gözlənildiyi kimi, qonaqların əlində idi. Elə ilk təhlükəli vəziyyəti də naxçıvanlılar yaratdı. 14-cü dəqiqədə Nunonun ötürməsindən sonra Slavik topu boş qapıya göndərsə də, qol ofsayd üzündən ləğv olundu. Qarşılıqlı top itkiləri çox, qapılar önündə təhlükəli vəziyyətlərin sayı isə az idi. Feyjao 36-cı dəqiqədə uzaqdan zərbə endirdi, amma Avram yerində idi və bu topu qaytarmaq onun üçün çətin olmadı. Bir dəqiqə sonra qonaqlar daha böyük qüvvə ilə irəli atıldı. Hücumu Slavik uzaqdan zərbə ilə tamamladı, ancaq top qapı torunu üstdən silkələdi.

Komandalar 2-ci hissəyə heç bir dəyişiklik etmədən başladı. Adil Şükürov oyunçu dəyişikliyi etməsə də, taktiki sxemdə əl gəzdirdi, Şakir Seyidovu dayaq yarımmüdafiəçisi mövqeyinə çəkdi. İlk hücum gəncəlilərdən gəldi. 58-ci dəqiqədə cərimə meydançasına daxil olan Məqsəd qapıya güclü zərbə endirsə də, Avram topu qaytardı. Qonaqlardan isə Patrik 64-cü dəqiqədə qapıya dəqiq, amma güclü olmayan zərbə vurdu.

Nəhayət, 65-ci dəqiqədə hesab açıldı. Santosdan ötürmə alıb sağ cinahla irəliləyən Simakala penalti nöqtəsi həndəvərinə ötürmə verdi. Heç kimin nəzarət etmədiyi Alxasov çox rahat şəkildə topu tora göndərdi. Gəncəlilər hesabı bərabərləşdirməyə çalışsalar da, real qol vəziyyətlərindən danışmaq çətin idi. 75-ci dəqiqədə Paçu cərimə meydançasının xətti üzərindən çox yöndəmsiz zərbə vurdu. Naxçıvanlılar da boş dayanmırdı. 86-cı dəqiqədə oyunun taleyini həll edən qol vuruldu. Avramın başladığı hücumu Ülvi davam etdirdi, onun hücuma qoşduğu Felipe Santos Koheni zərbə mövqeyinə çıxardı. Bu artıq “Kəpəz”in cari mövsümdə ardıcıl 4-cü məğlubiyyəti mənasına gəldi.

Oyunun sonlarında Şükürovun komandası nə qədər çalışsa da, təsəlli qolu belə vura bilmədi. “Araz-Naxçıvan” bu qələbədən sonra zirvəyə yüksəldi. Daha doğrusu, “Qarabağ” – “Zirə” oyununun heç-heçə bitməsi də buna şərait yaratdı.

Gözdən qaçmadı
Stadionun monitoru ikinci hissədə düzəldi.
“Kəpəz”i hərəsində 10-15 nəfər olmaqla üç azarkeş qrupu dəstək verirdi.
Gəncəli azarkeşlər Avramı Norveçlə oyunda 11 qol buraxdığına görə lağa qoydu.

MÜZƏFFƏR QULUZADƏ