"Keşlə" növbəti transferlərini gerçəkləşdirib. Ölkə kubokunun son qalibi baxışda olan 21 yaşadək futbolçulardan ibarət yığmanın sabiq üzvləri Ruslan Cəfərov və Samir Məsimovla bağlı müsbət qərar verib. Hər iki gənc futbolçunun keçidi rəsmiləşib. Düzdü, hələ ki onların adı PFL-ə təqdim olunan sifariş ərizəsinə əlavə olunmayıb. Bakılılar yaxın günlərdə bu formallığı da aradan qaldıracaq. Amma çox güman, onlar bazar günü “Sabah”la matçda oynamayacaqlar.
Qeyd edək ki, Cəfərovun son klubu MOİK olub. Məsimov isə sonuncu dəfə Rusiyanın birinci divizionunda "Fakel"də oynayıb.
“Keşlə” Mladen Milinkoviçin gəlişindən sonra 4-cü transferə imza atıb ki, bunlardan biri də legioner yarımmüdafiəçi Nikola Mitroviçdi. 31 yaşlı serbiyalı futbolçu geridə qalan mövsümü Polşanın “Visla” klubunda keçirib. Ruslanla Samirdən əvvəl isə paytaxt təmsilçisi daha bir yerli oyunçunun – Elnur Cəfərovun transferini gerçəkləşdirmişdi. Bu müddətdə yalnız Sezar Meza Kolli komandanı tərk edib. Paraqvaylı futbolçu “Keşlə”ni Rumıniya “Universitatya”sına dəyişib.
MİRAĞA