Sumqayıt – Kəpəz (Gəncə) 3:0 (3:0)
1. Mehdi Cənnətov – 6,0
20. Ayxan Süleymanlı – 5,5
(80. Keffel Resende, 70) – 5,0
14. Pedro Pinto – 6,0
72. Rayan Senhadji – 6,0
(64. Kənan Feyziyev, 83) – qiymətsiz
7. Rüstəm Əhmədzadə - 7,0
(21. Nihad Əhmədzadə, 70) – 5,0
8. Səbuhi Abdullazadə (k) – 6,0
(71. Masaki Murata, 79) – qiymətsiz
19. Roy Kehat – 5,5
11. Aleksa Yankoviç – 7,5
23. Ronaldo Vaskes – 6,5
9. Aleksandr Ramalinqom – 7,0
(10. Nikola Ninkoviç, 70)
25. Abdul Raşid – 6,5
Ehtiyat oyunçular
22. Xəyal Fərzullayev
56. Aftandil Arixov
30. Kamran Quliyev
6. Rauf Rüstəmli
75. Nadir Orucov
66. Ruslan Əliyev
97. Vüsal Paşayev
Baş məşqçi: Saşa İliç
Komandanın ən yaxşısı: Aleksa Yankoviç

1. Kasper Rosa – 5,0
14. Adama Fofana – 5,0
(17. Ümid Səmədov, 54) – 5,0
38. Cefferson Bentu – 5,5
6. Pedro Qomeş – 5,5
88. Şakir Seyidov – 5,0
24. Olavale Onanuqa – 5,5
77. Fərid Nəbiyev – 5,5
(66. Arzu Atakişiyev, 79) – qiymətsiz
19. Otar Aptsiauri – 5,5
(20. Elcan Əbilov, 75) – 5,0
12. Mahamadu Ba (k) – 6,0
27. Məqsəd İsayev – 5,0
(55. Kresus Donqo, 46) – 5,0
9. Luis Paçu – 5,0
Ehtiyat oyunçular
22. Məmməd Hüseynov
81. Elgün Bayramov
7. Ehtiram Şahverdiyev
99. Əli Səmədov
15. Raul Məmmədov
23. Fərid Kələntərov
11. Vitor Feijao
Baş məşqçi: Adil Şükürov
Komandanın ən yaxşısı: Mahamadu Ba

Qollar: R.Əhmədzadə, 14 (1:0, A.Raşid). A.Ramalinqom, 26 (2:0). A.Yankoviç, 37 (3:0, R.Vaskes).
Vərəqələr: R.Senhadji, 51 (qeyri-idman hərəkəti). Ü.Səmədov, 55 (qeyri-idman hərəkəti). P.Pinto, 86 (qeyri-idman hərəkəti) – sarı.
Hakimlər: FƏRİD HACIYEV, Rəhman İmami, Gülnurə Əkbərzadə, Vüqar Həsənli (hamısı Bakı).
VAR hakimi: Rauf Cabbarov (Bakı).
VAR hakiminin köməkçisi: Rahil Ramazanov (Bakı).
Hakim-inspektor: Anar Salmanov (Bakı).
AFFA nümayəndəsi: Elçin Mehtiyev (Bakı).
17 avqust. Sumqayıt. Mehdi Hüseynzadə adına şəhər stadionu. 3300 tamaşaçı (9502 yerlik).
Birinci hissəyə 1, ikinci hissəyə 3 dəqiqə əlavə olunub.
Oyunun qiyməti: 7,0.

Zəngin futbol ənənələrinə malik şəhərləri təmsil edən komandaların dueli maraqla gözlənilirdi. Əbəs deyildi ki, turun hələ ən çox tamaşaçı toplayan matçı məhz bir qədər sonra bəhs edəcəyimiz oyun oldu.

Səbəblər də sadədi: yeni və təcrübəli baş məşqçi Saşa İliçlə yola çıxan “Sumqayıt”ın gücləndirilmiş heyətinin məqsədi avrokuboklara vəsiqə qazanmaqdı. Təbii ki, bu çalışdırıcının debütü yerli azarkeşlər tərəfindən bir şansı haqq edirdi. “Kəpəz” isə hələ “futbol ili”nin startından əvvəl autsayder mövqeyində qərarlaşmaq ehtimalının yüksək olacağıyla bağlı siqnallar ötürmüşdü. Ardıcıl struktur dəyişikliklərinin, heyətdə yaşanan çoxsaylı ayrılıqların, vaxtında edilməyən transferlərin, bir sözlə, yerinə oturmaq bilməyən daşların mövsümün ilk matçına təsirsiz ötüşməyəcəyi bəlli idi. Bu yöndə proqnozlar özünü doğrultusa, İliçin komandasının performansı minlərlə sumqayıtlı futbolsevəri sevindirdi.

Düzdü, meydan sahibləri 2-ci hissədə fiziki hazırlıq səviyyəsinin aşağı olması üzündən problem yaşadı. Ancaq oyunun taleyinin ilk yarıda həll olunması “kimyaçılar”ı təhlükədən xilas etdi. Necə deyərlər, olan olmuşdu, keçən keçmişdi. Özü də 13-cü dəqiqədə - Məqsəd Mehdiylə təkbətək mübarizəni qeyri-dəqiqliyi üzündən uduzanda. Ona görə ki, dərhal əks-hücuma keçən “Sumqayıt” Raşidin qapıya paralel ötürməsini Rüstəmin tamamlaması sayəsində hesabı açdı. “Kimyaçılar”a fərqi artırmaq üçün çox vaxt lazım olmadı. Aptsiaurinin yöndəmsiz zərbəsindən bir qədər sonra hücuma keçən meydan sahibləri 26-cı dəqiqədə Ramalinqom sayəsində sevindi. Madaqaskarlı Vaskesin cərimə meydançasına ötürməsindən sonra Bentu və Onanuqanın toxunsa da, sahiblənə bilmədiyi topu “çərçivə”yə göndərdi.

“Gənclik şəhəri”nin təmsilçisi artıq 37-ci dəqiqədə hesabı darmadağın həddinə çatdırdı. Bu dəfə də “Sumqayıt”ın yeni transferi Yankoviç ustalığını nümayiş etdirdi. O, Vaskesin xeyli irəlilədikdən sonra sağ cinaha daşıdığı hücumu baxımlı qolla tamamladı – Fofananın mane olmaq cəhdlərinə rəğmən, topu təxminən 20 metr məsafədən uzaq “9-luğ”a göndərdi. Bəs “Kəpəz” nə ilə yadda qaldı? Bundan sonra Fofananın cərimə meydançasına ötürməsi qeydə alındı ki, Mehdi topa Məqsəddən əvvəl çatdı. Fərid isə 45+1-ci dəqiqədə qeyri-dəqiqlik üzündən fərqi azalda bilmədi.

İkinci hissədə “Kəpəz”, demək olar ki, təhlükəli vəziyyət yaratmadı. Bu yöndə yalnız meydana yenicə daxil olan Dunqonun qapıya zərbəsini qeyd edə bilərik ki, Mehdi rəqibi asanlıqla üzdü. Yankoviçin 67-ci dəqiqədə vurduğu qol isə sayılmadı. Ona görə ki, həmin epizodda Rüstəm topa əllə müdaxilə etmişdi.

Beləliklə, “Sumqayıt” mövsümə fırtına kimi başladı. Amma “Kəpəz”i, heç şübhəsiz, çətin günlər gözləyir...

Gözdən qaçmadı
// “Sumqayıt”ın yetirməsi Kənan Feyziyev 18 yaş 234 günlüyündə premyer-liqada debüt etdi.
// “Kimyaçılar”, “UltraSumqayıt” və “Xəmsə” fanklubları stadionda idi. Qalib komanda qələbəni azarkeşləriylə qeyd etdi. Ümumiyyətlə, yerli tərəfdarlar oyun ərzində sevimlilərini dəstəkləməkdən yorulmadı. Gəncəlilər oyun bitər-bitməz həm Adil Şükürovu, həm də futbolçuları yanına səslədi. Baş məşqçi çağırışa məhəl qoymadan konfrans otağına üz tutsa da, futbolçular azarkeşlərə yaxınlaşdı. Tərəfdarların önünə Şakir gəlsə də, onlar israrla Əlini çağırdı və kapitan tribunaya yaxınlaşandan sonra hesab və oyun tərzi ilə bağlı iradlarını bildirdilər.

KƏNAN BAHADIR