''Fənərbaxça'' Kərəm Aktürkoğlu ilə anlaşma əldə etməsinə baxmayaraq bu başıbəlalı transferi heç cür tamamlaya bilmir.

Türkiyəli ulduz hətta Çempionlar Liqasının pley-offunda ''Benfika''nın heyətində İstanbula gələrək ''Fənər''ə qarşı meydana çıxmağa da macal tapdı. Amma keçid hələ də tamamlamanmayıb. Həm ''Benfika'', həm də ''Fənər''in bu gün daxili çempionatda oyunu var. Lissabon nəhəngi ''Eştrela''nı, İstanbul nəhəngi isə ''Kocaelispor''u qəbul edəcək.

Maraqlıdı ki, ''Fənər''dən başqa Türkiyəni avrokuboklarda təmsil edən digər klubların hamısının bu tur oyunu təxirə salınıb. ''Fənər'' isə ''Kocaelispor''la matçın təxirə salınmamasını özü federasiyadan tələb edib.

"Football-plus.az" xəbər verir ki, dünən ''Eştrela'' ilə oyunöncəsi mətbuat konfransında ''Benfika''nın çalışdırıcısı Bruno Laje türkiyəli futbolçu ilə bağlı növbəti açıqlamalar verərək bunları deyib:

Bu arada Portuqaliya nəhənginin 26 yaşlı futbolçu ilə bağlı yeni planının olduğu üzə çıxıb. Portuqaliyada illik 2,8 milyon avro qazanan Aktürkoğlu ''Fənər'' ilə illik 5 milyon avro maaşa anlaşıb. Bunu nəzərə alan ''qartallar'' futbolçuya yeni müqavilə təklif etmək və onun maaşını əhəmiyyətli dərəcədə artırmaq qərarına gəliblər. Kərəmin indiki müqaviləsinin müddəti 2029-a qədərdi. Onun sərbəst qalma maddəsi isə 60 milyon avrodu. Yeni müqavilə imzalansa, maaş ilə yanaşı sərbəstqalma maddəsi də artacaq. Ancaq ''Fənər''in ''22,5+2,5'' milyon avroluq təklifi hələ də qüvvədədi. ''Sarı-lacivərdlilər'' bu transferdən əllərini üzməyiblər.

Türkiyə mətbuatının yazdığına inansaq, pley-offun cavab matçı ərəfəsində iki klubun prezidenti bu məsələ ilə bağlı Lissabonda yenidən görüş keçirəcək. Çox güman, bu məsələ cavab oyunundan sonra artıq birdəfəlik həllini tapacaq.