“Keyfiyyət fərqi birinci hissədə özünü daha çox göstərdi. Hesabı açan “Şkendiya” olsa da, “Qarabağ” qısa zamanda “partladı” və ilk yarıda dörd qol vurdu. Komandalar fasiləyə yollananda “Şkendiya”nın Çempionlar Liqasında mübarizəni dayandıracağı bəlli idi. O başqa məsələ ki, Tetovo təmsilçisi oyuna möhtəşəm başlamışdı. “Qarabağ”ın xüsusilə Abdulla Zubir, Kadi Borges, Marko Yankoviç, Leandro Andrade, Kevin Medina kimi futbolçuları qarşısıalınmaz idi. Jeton Bekirinin ikinci hissəyə iki oyunçu dəyişikliyi ilə başlaması və komandasının müdafiədə daha etibarlı çıxış etməsi komandanı daha ağır zərbələrdən qorusa da, “Şkendiya”nın oyununda cidid dəyişiklik yaratmadı – “Qarabağ”ın cəhənnəm əzabına çevrilən hücumlarına müqavimət göstərmək çox çətin idi. Son 20 dəqiqədə temp bir qədər düşsə də, “Şkendiya”nın qol vurması mümkün olmadı. Rəqibin müdafiə sistemi qüsursuz işlədi. Beləliklə, “Qarabağ” səviyyəsini göstərdi və pley-offa adladı”.