Turan Tovuz - Kəpəz (Gəncə) 4:0 (4:0)
41. Sergey Samok - 6,0
17. Rəhim Sadıxov - 6,0
(10. Xəyal Nəcəfov, 64) - 5,0
88. Faiq Hacıyev - 6,0
11. Ayxan Hüseynov - 6,5
7. İsmayıl Zülfüqarlı - 6,0
9. Kristian da Silva - 6,0
23. Alexandro Serrano - 6,0
(29. Anton Kraçkovski, 73) - 4,5
15. Emmanuel Hakman (k) - 6,0
32. Hayderson Urtado - 5,5
(30. Mircamal Əlizadə, 82) - qiymətsiz
40. Kauan Martins - 6,0
(5. Roderik Miller, 64) - 5,0
21. Aleks Souza - 7,0
(19. Orxan Əliyev, 64) - 5,0
Ehtiyat oyunçular
1. İvan Konovalov
71. Mehman Hacıyev
8. Tural Bayramlı
13. Fərid Yusifli
77. Veysəl Rzayev
6. Araş Qaderi
Baş məşqçi: Kurban Berdıyev
Komandanın ən yaxşısı: Aleks Souza 

1. Rojerio Santos - 5,0
(22. Məmməd Hüseynov, 46) - 5,0
7. Ehtiram Şahverdiyev - 5,5
(21. Camal Cəfərov, 61) - 5,0
12. Turan Manafov - 5,0
5. Rauf Hüseynli - 5,0
19. Sadiq Şəfiyev - 5,0
(97. Nicat Məmmədov, 81) - qiymətsiz
26. Valdemar Almeyda - 5,0
29. Dioqo Verdaşka - 5,0
(6. Nemət Musayev, 46) - 5,0
78. Yeqor Xvalko (k) - 5,0
28. Rati Ardazişvili - 5,0
(70. Nicat Süleymanov, 70) - 4,5
3. Mahamadu Ba - 5,0
10. Karim Lkoça - 5,0
Ehtiyat oyunçular
18. Elgün Bayramov
2. İlkin Qırtımov
17. Ümid Səmədov
13. Elxan Məmmədov
91. Nihad İsaqov
11. Trent Buhagyar
88. Şervoni Mabatşoyev
Baş məşqçi: Azər Bağırov
Komandanın ən yaxşısı: Ehtiram Şahverdiyev

Qollar: A.Souza, 10 (1:0, A.Hüseynov). A.Souza, 23 (2:0, A.Hüseynov). T.Manafov, 42-öz qapısına (3:0). A.Hüseynov, 44 (4:0, A.Serrano).
Vərəqələr: D.Verdaşka, 6 (qeyri-idman hərəkəti). R.Sadıxov, 32 (qeyri-idman hərəkəti). V.Almeyda, 38 (qeyri-idman hərəkəti). N.Məmmədov, 90+2 (qeyri-idman hərəkəti) - sarı. 
Hakimlər: FƏRİD HACIYEV,  Vüsal Məmmədov, Rəhman İmami, Kamran Əliyev (hamısı Bakı).
VAR hakimi: Əliyar Ağayev (Bakı).
VAR hakiminin köməkçisi: Akif Əmirəli (Bakı).
Hakim-inspektor: Anar Salmanov (Bakı).
AFFA nümayəndəsi: İlham Əliyev (Bakı).
25 may. Tovuz. Şəhər stadionu. 4000 tamaşaçı (6500 yerlik).
Oyunun qiyməti: 6,0.

Turnir cədvəli baxımından yanaşsaq, komandalar motivasiyasızlıqdan əziyyət çəkirdi. Axı “Turan Tovuz” 4-cü yeri təmin etmiş, “Kəpəz” isə elitada qalmağı rəsmiləşdirmişdi. Lakin matçı maraqlı edən məqamlar da var idi. “Kəpəz” qış fasiləsindən sonra keçirilən oyunda rəqibini darmadağın etmişdi. Tovuz təmsilçisi meydana məhz həmin məğlubiyyətin qisasını almaq üçün çıxmışdı.

Bəs “sarı-göylər” nə üçün çalışacaqdı? “Sumqayıt”ın “Səbail”i darmadağın etməklə 8-ci pilləyə yüksəlməsi onları fədakarlığa sövq edə bilərdi, yəni qələbə qazanmaqla yenidən həmin mövqeyə qayıtmaq mümkün idi.

İlk təhlükəli vəziyyəti gəncəlilər yaratdı. Lkoçanın cərimə meydançasına ötürməsini Rauf bir toxunuşla Ehtirama ünvanlasa da, Şahverdiyev zərbə vura bilmədi. Tovuzlular bu hücuma qolla cavab verdi. 10-cu dəqiqədə Serranonun başladığı, Aleks Souza ilə Ayxan Hüseynovun da iştirak etdiyi hücumun sonunda hesab açıldı. Souza topu qapıdan keçirdi. 5 dəqiqə sonra Aleks növbəti dəfə fərqlənməyə yaxın oldu. Bu dəfə onun zərbəsini Rojerio küncə çıxarmağı bacardı.

23-cü dəqiqədə Ayxandan ötürmə alan Souza daha bir qoldu. Braziliyalı 36-cı dəqiqədə hətta 3-cü dəfə topu qapıdan keçirməyi bacardı. Lakin top uğrunda mübarizə zamanı “Kəpəz”in futbolçusu yerdə qaldığına görə qol qeydə alınmadı. 42-ci dəqiqədə də Souza səhnəyə çıxdı. Onun qapı qarşısına ötürdüyü topa ehtiyatsızcasına toxunan Turan Manafov avtoqola səbəbkar oldu. İki dəqiqə sonra tovuzlular 4-cü dəfə fərqləndi. Serranonun ötürməsini qəbul edən Ayxan dəqiq zərbə ilə topu tora göndərdi. İlk hissədə qapısında 4 top görən Rojerio Santos fasilədən dərhal sonra Məmməd Hüseynovla əvəzləndi.

İkinci hissə də meydan sahiblərinin üstünlüyü şəraitində keçdi. İsmayılın zərbəsi dirəyə tuş gəldi. 57-ci dəqiqədə sağ cinahla irəliləyən Ayxan cərimə meydançasında zərbə şansı əldə etsə də, top qapıdan az fərqlə aralı keçdi. 72 və 80-ci dəqiqələrdə Orxan Əliyevin zərbə cəhdləri nəticəsiz oldu. Son dəqiqələrdə qonaqlar hücuma atılsalar da, hesab dəyişmədi.

Gözdən qaçmadı
* 18-ci dəqiqədə Azər Bağırov əsəbiləşərək meydandan çıxan topu ayağı ilə yenidən meydana qaytardı. Ardından dördüncü hakim ona yaxınlaşaraq sakitləşdirməyə çalışdı.
* Bağırov oyundan sonra “Kəpəz” azarkeşləri ilə sağollaşanda göz yaşlarını saxlaya bilmədi. 

ƏSƏD SEYİDOV