Həftəsonu MBA-da konfrans finalına vəsiqə qazanan bütün komandalar müəyyənləşdi. Şərq konfransının finalında “İndiana” ilə “Nyu-York” qarşılaşacaq.

“İndiana” finala vəsiqəni əvvəlki günlərdə təmin etmişdi. Şənbə günü isə “Nyu-York” “Boston”un müqavimətini qırdı və son 25 ildə ilk dəfə konfrans finalında oynayacaq.

Qərb konfransında “Minnesota”nın rəqibi bəlli oldu. “Oklahoma-Siti” srağagün “Denver”lə seriyadan qalib ayrıldı – 4:3.

Maraqlıdı ki, mübarizəni davam etdirən komandalardan “Minnesota”, “Oklahoma-Siti” və “İndiana” heç vaxt çempion olmayıb, “Nyu-York”un sonuncu belə uğuru isə 1973-cü ilə təsadüf edib.
Və MBA-nın pley-off mərhələsi ilə bağlı daha bir maraqlı fakt: “Denver” mübarizəni dayandırandan sonra MBA tarixində ilk dəfə ardıcıl 7 il yeni komandanın çempion olacağı qətiləşdi. 2019-cu ildən bəri “Toronto”, “Leykers”, “Miluoki”, “Qolden Steyt”, “Denver” və “Boston” çempionluğu bayram edib.

17 may
Nyu-York – Boston 119:81 (26:20, 38:17, 28:20, 27:24)
Seriyada hesab – 4:2.

18 may
Oklahoma-Siti – Denver 125:93 (21:26, 39:20, 37:26, 28:21)
Seriyada hesab – 4:3.