Neftçi (Bakı) - Səbail 3:0 (2:0)
1. Emil Balayev (k) - 6,0
10. Filip Ozobiç - 5,0
(17. Rəhman Hacıyev, 55) - 5,0
8. Emin Mahmudov - 6,0
(78. Elcan Əbilov, 82) - qiymətsiz
91. Ağadadaş Salyanski - 7,0
(90. Ramil Şeydayev, 64) - 5,0
14. Edvin Kuç - 5,5
99. Ervin Koffi - 5,5
23. Robert Bauer - 5,0
(88. Andrey Ştoqrin, 55) - 5,0
24. Mustafa Sek - 5,0
9. Bassala Sambu - 5,0
22. Dembo Darbo - 6,5
(47. Murad Məmmədov, 64) - 5,0
11. Aleks Fernandes - 5,5
Ehtiyat oyunçular
93. Rza Cəfərov 
30. Rustam Samigullin
19. Azər Salahlı
18. Rinosuke Ohori
Baş məşqçi: Samir Abasov
Komandanın ən yaxşısı: Ağadadaş Salyanski

12. Əlirza Müştəbazadə - 4,5
22. Mirabdulla Abbasov - 4,5
(99. İnnosent Nşuti, 31) - 5,0
96. İlkin Muradov - 5,0
(97. Oruc Məmmədov, 79) - qiymətsiz
74. Yusif Nəbiyev (k) - 5,0
(67. Rəvan Abasov, 46) - 5,0
18. Süleyman Əhmədov - 5,0
(88. Hacıəli Şirəliyev, 46) - 6,0
20. Mərt Çəlik - 5,5
11. Rüfət Abdullazadə - 6,0
83. Nihad Quliyev - 5,5
(5. Gitay Sofir, 79) - qiymətsiz
16. Emin Rüstəmov - 5,5
3. Dmitri Litvin - 5,5
14. Suleyman Alluş - 5,5
Ehtiyat oyunçular
1. Hüseynəli Quliyev
25. Nicat Məmmədzadə
77. Fərid Nəbiyev
89. Ömər Qurbanov
8. Qorka Larusea
44. Amir Bilali
4. Marko Nikoliç
Baş məşqçi: Əbdülqəni Nurməmmədov
Komandanın ən yaxşısı: Rüfət Abdullazadə

Qollar: D.Darbo, 1 (1:0). A.Salyanski, 25 (2:0, E.Mahmudov). Ə.Müştəbazadə, 79-öz qapısına (3:0).
Vərəqələr: E.Rüstəmov, 35 (qeyri-idman hərəkəti). H.Şirəliyev, 46 (qeyri-idman hərəkəti) - sarı.
Hakimlər: NİCAT İSMAYILLI, Zeynal Zeynalov, Şirməmməd Məmmədov, Emin Əliyev (hamısı Bakı).
VAR hakimi: Cavid Cəlilov (Bakı).
VAR hakiminin köməkçisi: Elvin Bayramov (Bakı).
Hakim-inspektor: Zöhrab Qədiyev (Bakı).
AFFA nümayəndəsi: Elman Musayev (Bakı).
18 may. Bakı. “Neftçi Arena”. 800 tamaşaçı (11000 yerlik).
Birinci hissəyə 1, ikinci hissəyə 2 dəqiqə əlavə olunub.
Oyunun qiyməti: 6,5.

34-cü turda "Zirə"yə uduzmaqla premyer-liqadakı yerini itirən "Səbail"in "Neftçi" ilə oyunda hansısa uğur qazanacağını düşünmək sadəlöhvlük olardı. Təkcə ona görə yox ki, "ağ-qaralar" bu komanda ilə üz-üzə gəldiyi son 23 matçda qələbə qazanmışdı. Həm də ona görə ki, Samir Abasovun komandası mövsümü 5-ci yerdə bitirmək şansını davam etdirir və bu hədəfə çatmaq üçün "Turan Tovuz"dan sonra "Səbail"i, sonuncu turda isə "Sabah"ı məğlub etmək şərtdi. Odu ki, meydan sahiblərinin matç başlar-başlamaz qol axtarışına start verməsi bizi təəccübləndirmədi.

Bəli, "Neftçi" oyuna böyük təzyiqlə başladı və hələ dəqiqə tamamlamamış topu rəqibin qapısından keçirdi. Daha dəqiqi, Əlirza Yusifin ötürməsini qəbul edərkən səhvə yol verdi. Topun qapıçıdan bir qədər uzaqlaşdığını görən Darbo dərhal önə atıldı və yeganə maneəni - Süleymanı keçdikdən sonra "çərçivə"ni dəqiq nişan aldı. "Ağ-qaralar" "Səbail"in zəif performansı fonunda növbəti hücum cəhdlərini reallaşdırmaqda çətinlik çəkmədi. 5-ci dəqiqədə Koffinin uzaq məsafədən fərqlənmək istəyinə şahidlik etdik ki, Əlirza bu dəfə səhvə yol vermədi.

Ardından Ağadadaş Sekin sayəsində ələ düşən fürsəti dəyərləndirə bilmədi. Komanda yoldaşının sağ cinahla xeyli məsafə qət etdikdən sonra ona çatdırdığı topu qəbul edən hücumçu qapıçıyla təkbətək mübarizədən məğlub ayrıldı. "Səbail"in ifasında ilk təhlükəli vəziyyət isə 9-cu dəqiqəyə təsadüf etdi. "Dənizçilər"in buna qədər 11 matçda meydana çıxsa da, komandasına sevinc bəxş etməyən təcrübəli hücumçusu Mirabdulla Abbasov yenə eyni aqibətlə üzləşdi. Buna mövqeyini vaxtında tərk edən Emilin topu onun ayaqlarından oğurlayaraq uzaqlaşdırması səbəb oldu.

11-ci dəqiqədə Alluş da qapıçının məyus etdiyi futbolçular sırasına qoşuldu. "Səbail"in dərhal hesabı bərabərləşdirmək yönündə səyləri fayda verməyincə, "Neftçi"nin fərqi artırması qaçılmaz oldu. Daha doğrusu, 25-ci dəqiqədə Koffinin çatdırdığı topu qəbul edən Emin cərimə meydançasına daxil oldu və Ağadadaşa ötürmə verdi. Gənc hücumçu Emin Rüstəmovu keçəndən sonra "çərçivə"ni dəqiq “nişan aldı”. Bundan sonra "Səbail"in ardıcıl hücumlarını izlədik. Ancaq nə Nşutinin, nə də Rüfətin zərbəsi dəqiq oldu. 43-cü dəqiqədə isə Kuç komandasının fasiləyə 3:0 öndə yollanmasını təmin edə bilərdi.

İkinci hissə birinci ilə müqayisədə cansıxıcı keçdi desək, yanılmarıq. Monoton mübarizə hadisələrin axarına maraq qatmır, əksinə, bizi qapılar önündə təhlükəli vəziyyət izləmək zövqündən məhrum edirdi. Üçüncü qolun vurulduğu ana qədər yalnız Emin Mahmudovun 61-ci dəqiqədə yerinə yetirdiyi cərimə zərbəsindən bəhs etmək olar. Təcrübəli futbolçu təxminən 20 metrdən adəti üzrə birbaşa "çərçivə"ni nişan almaq istəsə də, qeyri-dəqiq oldu. 79-cu dəqiqədə isə yuxarıda bəhs etdiyimiz epizod qeydə alındı. Daha doğrusu, Aleksin uzaqdan zərbəsi topun əvvəl dirəyə, ardından Əlirzaya toxunub tora qovuşmasıyla nəticələndi. Beləliklə, "Neftçi" məqsədinə bir addım daha yaxınlaşdı.

Gözdən qaçmadı
// "Forza Neftçi" və "Dənizçilər" fanklubu tribunada idi. Görünür, "Neftçi" azarkeşləri hələ də komandadan acıqlıdı. Çünki fanklubu təmsil edən təxminən 20 azarkeş oyun ərzində dəstək xarakterli davranışla yadda qalmadı.
// Əlirza ikinci qolu buraxandan sonra komanda yoldaşlarına "mən nə edim, mənlik nə var burda?" ifadələriylə üsyan etdi.

KƏNAN BAHADIR