Qarabağ (Ağdam) - Kəpəz (Gəncə) 3:0 (1:0)
1. Şahruddin Məhəmmədəliyev (k) - 6,5
30. Abbas Hüseynov - 6,0
22. Musa Qurbanlı - 6,5
90. Nəriman Axundzadə - 6,5
(27. Toral Bayramov, 61) - 6,0
10. Abdulla Zubir - 5,0
(7. Yassin Benzya, 61) - 5,5
81. Kevin Medina - 5,5
66. Patrik Andrade - 5,5
(32. Hikmət Cəbrayılzadə, 71) - 6,0
2. Mateus Silva - 5,5
(55. Bədavi Hüseynov, 71) - 5,5
15. Leandro Andrade - 7,0
(9. Kadi Borges, 61) - 6,0
21. Aleksey Kaşuk. - 6,5
11. Emmanuel Addai - 6,5
Ehtiyat oyunçular
99. Mateuş Koxalski
97. Fabian Buntiç
13. Bəhlul Mustafazadə
44. Elvin Cəfərquliyev
29. Marko Veşoviç
8. Marko Yankoviç
19. Redon Cica
Baş məşqçi: Qurban Qurbanov
Komandanın ən yaxşısı: Leandro Andrade

22. Məmməd Hüseynov - 5,0
2. İlkin Qırtımov (k) - 5,0
99. Əli Səmədov - 5,0
(70. Nicat Süleymanov, 75) - qiymətsiz
5. Rauf Hüseynli - 5,5
17. Ümid Səmədov - 5,0
26. Valdemar Almeyda - 5,0
(6. Nemət Musayev, 84) - qiymətsiz
9. Luis Paçu - 5,5
29. Dioqo Verdaşka - 5,0
28. Rati Ardazişvili - 5,0
(21. Camal Cəfərov, 58) - 5,0
11. Trent Buhagyar - 5,0
(88. Şervoni Mabatşoyev, 46) - 5,0
10. Karim Lkoça - 5,0
(91. Nihad İsaqov, 84) - qiymətsiz
Ehtiyat oyunçular
18. Elgün Bayramov
7. Ehtiram Şahverdiyev
12. Turan Manafov
8. Elmir Tağıyev
19. Sadiq Şəfiyev
3. Mahamadu Ba
Baş məşqçi: Azər Bağırov
Komandanın ən yaxşısı: Luis Paçu

Qollar: L.Andrade, 31 (1:0, E.Addai). A.Kaşuk, 75 (2:0). M.Qurbanlı, 81 (3:0, K.Borges).
Vərəqələr: Ə.Səmədov, 12 (qeyri-idman hərəkəti). D.Verdaska, 34 (qeyri-idman hərəkəti). L.Paçu, 50 (qeyri-idman hərəkəti). M.Qurbanlı, 51 (qeyri-idman hərəkəti). P.Andrade, 59 (qeyri-idman hərəkəti) - sarı
Hakimlər: RƏVAN HƏMZƏZADƏ (Şəki), Cəmil Quliyev, Rəhman İmami, Rauf Cabbarov (hamısı Bakı).
VAR hakimi: Rəşad Əhmədov (Mingəçevir).
VAR hakiminin köməkçisi: Əli Əliyev.
Hakim-inspektor: Ömər Paşayev (Bakı).
AFFA nümayəndəsi: Elgiz Abasov (Masallı)
18 may. Bakı. “Azərsun Arena”. 3500 tamaşaçı (5800 yerlik).
Birinci hissəyə 1, ikinci hissəyə 2 dəqiqə əlavə olunub.
Oyunun qiyməti: 6.0.

Oyundan sonra mükafatlandırma mərasimi də nəzərdə tutulduğundan tribunalara daha çox azarkeşin toplaşması təbii idi. Və “Qarabağ”ın belə atmosferə qələbədə başqa istənilən nəticəsi təəccüb doğuracaqdı.

Oyunda ilk təhlükəli vəziyyəti qonaqlar yaratdı. 5-ci dəqiqədə Lkoça zərbə ilə yadda qaldı. Cəmi bir dəqiqə sonra isə Zubirin zərbə qapıdan aralı keçdi. Tezliklə Addai də bəxtini sınadı. 9-cu dəqiqədə Buhagyar cərimə meydançasına çatmamış yerdə qaldı. Mümkün qırmızı vərəqə VAR-da yoxlanılsa da, “hə” cavabı gəlmədi. 16-cı dəqiqədə Şahruddin yenə də xeyli irəlidə idi. Bunu görən Buhagyar qapını yoxladı, amma “çərviyə”yə düşə bilmədi. İki dəqiqə sonra Ardazaşvili çox baxımlı qol vurdu. Lakin yenə VAR-a baxan hakim bu dəfə də gəncəlilərim əleyhinə qərar verdi. 31-ci dəqiqədə isə Leandro elə yerdən elə qol vurdu ki, heç kim belə zərbə gözləmirdi. 36-cı dəqiqədə fərq arta bilərdi. Lakin Musa topu qapıdan keçirə bilmədi. 37-ci dəqiqədə Məmməd Hüseynov əvvəlcə Kaşukun, ardından Nərimanın zərbəsini dəf etdi.

İkinci hissədə qol sayı çox olsa da, epizod baxımdan kasadlıq var idi. 55-ci dəqiqədə Musa qapını yoxladı, İlkin Qırtımov blokladı. 58-ci dəqiqədə Leandronun zərbəsi qapının üstündən keçdi. İki dəqiqə sonra isə Addai gəncəliləri həyəcanlandırdı. Müdafiəçilərdən qayıdan topa Addai ayaq qoydu. Məmməd yenə komandasını qoldan xilas etdi. 71-ci dəqiqədə isə Toral uzaqdan topu qapıya göndərdi. Qapıçı zədələnmək bahasına bu topu dəf etdi. İki dəqiqə keçməmiş standart vəziyyətdən sonra Kaşuk topu qapıdan keçirdi. Əvvəlcə ofsayd olduğunu iddia edən ədalət sahibi VAR-ın köməyindən sonra mərkəzi göstərdi. 71-ci dəqiqədə meydana çıxaraq əsas komandada debüt edən Hikmət Cəbrayılzadə 77-ci dəqiqədə uzaqdan qapını yoxladı. Kiper bu topu da inamla çıxardı. 82-ci dəqiqədə gəncəlilər daha bir qol buraxdı. “Ustad dərsi keçən” Kadi Musaya məhsuldar ötürmə verdi.

Gözdən qaçmadı
* Mükafatlandırma mərasimini AFFA-nın baş katibi Cahangir Fərəcullayev, icraçı vitse-prezidenti Sərxan Hacıyev, PFL-in Texniki-idman direktoru Elgiz Abbasov və “Qarabağ”ın prezidenti Tahir Gözəl həyata keçirdi.
* Qurban Qurbanov və Elçin Rəhmanov medal almağa çıxmadı. Benzya, Musa, Bədavi, Şahruddin və Sadiq kürsüyə çıxarkən musiqi səslənmədi.

MÜZƏFFƏR QULUZADƏ