Heç kim futboldan kənarda qalmasın
Bakı Futbol Liqasının (BFL) yeni, 2018/19 mövsümü üçün endirimli qeydiyyat başlayıb. 15 iyun -15 iyul tarixlərində yeni mövsüm üçün qeydiyyatını tamamlayan komandalar daha az ödəniş etməklə 9 aylıq futbol bayramının iştirakçısı ola bilər. “Endirimli qeydiyyat” hər hansı reklam xarakteri daşımır, çoxlu sayda istəklər nəzərə alınaraq daha az büdcəli komandaların liqadan kənarda qalmaması üçün onlara mümkün qədər şərait yaradılır.
Qeyd edək ki, ölkəmizdə futbolsevərlərin sevimlisinə çevrilmiş 8x8 formatlı futbolun təməlini qoyan BFL 2017/18 mövsümünü uğurla başa vurmuş və çempion olan “İdman Azərbaycan” komandasını Rusiyaya, “Continental Football League”də iştirak etməyə göndərmişdi. Bununla da BFL həvəskar liqalar arasında öz çempionunu xaricə göndərərək beynəlxalq arenada ölkəmizi təmsil etmək haqqı verən ilk qurum kimi adını ölkə tarixinə qızıl hərflərlə yazdırdı.
BFL-də meydanda hər komandadan 8 nəfər mübarizə aparır. Daha çox böyük futbolun qaydalarını özündə cəmləyən BFL iştirakçıların da rəğbətini qazanıb.
Qeydiyyatla bağlı daha ətraflı məlumat əldə etmək üçün bu ünvanlara müraciət etmək olar:
Tel: +99450 6712005
www.bfl.az
www.fb.com/bfl.az
www.instagram.com/bfl.az