Turan Tovuz - Neftçi (Bakı) 1:2 (1:2)
41. Sergey Samok - 6,0
19. Orxan Əliyev - 6,0
(10. Xəyal Nəcəfov, 81) - qiymətsiz
17. Rəhim Sadıxov - 6,5
88. Faiq Hacıyev - 5,5
7. İsmayıl Zülfüqarlı - 5,0
(77. Veysəl Rzayev, 75) - 4,5
9. Kristian da Silva - 5,0
(29. Anton Kraçkovski, 81) - qiymətsiz
23. Alexandro Serrano - 5,5
15. Emmanuel Hakman (k) - 5,5
32. Hayderson Urtado - 5,5
40. Kauan Martins - 5,5
(6. Araş Qaderi, 69) - 4,5
21. Aleks Souza - 5,5
(5. Roderik Miller, 69) - 4,5 
Ehtiyat oyunçular
1. İvan Konovalov
71. Mehman Hacıyev
39. Sadiq Quliyev
33. Eltun Turabov
8. Tural Bayramlı
13. Fərid Yusifli
30. Mircamal Əlizadə
Baş məşqçi: Kurban Berdıyev
Komandanın ən yaxşısı: Rəhim Sadıxov

93. Rza Cəfərov (k) - 6,0
10. Filip Ozobiç - 6,0
8. Emin Mahmudov - 6,5
19. Azər Salahlı - 5,5
91. Ağadadaş Salyanski - 6,0
14. Edvin Kuç - 6,0
99. Ervin Koffi - 5,5
24. Mustafa Sek - 5,5
9. Bassala Sambu - 6,0
22. Dembo Darbo - 6,0
11. Aleks Fernandes - 6,0
Ehtiyat oyunçular
1. Emil Balayev
30. Rustam Samiqullin
17. Rəhman Hacıyev
67. Fariz Xeyrullayev
78. Elcan Əbilov
86. Aslan Şirinov
47. Murad Məmmədov
88. Andrey Ştoqrin
18. Rinosuke Ohori
Baş məşqçi: Samir Abasov
Komandanın ən yaxşısı: Emin Mahmudov

Qollar: E.Mahmudov, 9 (0:1). R.Sadıxov, 16 (1:1, O.Əliyev). D.Darbo, 32 (1:2, F.Ozobiç).
Vərəqələr: E.Koffi, 63 (qeyri-idman hərəkəti). A.Salahlı, 64 (qeyri-idman hərəkəti). E.Hakman, 64 (qeyri-idman hərəkəti). V.Rzayev, 90+2 (qeyri-idman hərəkəti). R.Cəfərov, 90+4 (oyunun bərpasının ləngidilməsi) - sarı.
Hakimlər: RƏŞAD ƏHMƏDOV (Mingəçevir), Eyyub İbrahimov, Teymur Teymurov, Kamranbəy Rəhimov (hamısı Bakı).
VAR hakimi: Nicat İsmayıllı (Bakı).
VAR hakiminin köməkçisi: Cəmil Quliyev (Bakı).
Hakim-inspektor: Ramil Diniyev (Bakı).
AFFA nümayəndəsi: Kifayət Mustafayeva (Bakı).
10 may. Tovuz. Şəhər stadionu. 4500 tamaşaçı (6800 yerlik).
Birinci hissəyə 1, ikinci hissəyə 4 dəqiqə əlavə olunub. 
Oyunun qiyməti: 6,0.

Bu qarşılaşma hər iki komanda, xüsusən də “Turan Tovuz” üçün müəyyən əhəmiyyət daşıyırdı.

Tovuzlular “Araz-Naxçıvan”la xal fərqini azaltmağa can atacaqdı, şəxsi duellərdə bu rəqibə uduzmayan “Neftçi” isə seriyasını davam etdirmək istəyirdi.
Oyunun ilk təhlükəli vəziyyəti meydan sahibləri yaratdı. 7-ci dəqiqədə Urtadonun uzun ötürməsi ilə irəli çıxan Orxan Əliyevin zərbəsini Kuç qaytara bildi. Hücumun davamında Rəhim Sadıxov fürsəti dəyərləndirmək istədi, lakin Rza Cəfərov onun zərbəsinin qarşısını aldı. Epizodun sonunda Orxanın ofsaydda olduğu müəyyənləşdi və yan xətt hakimi Eyyub İbrahimov bayrağını qaldırdı.

Cəmi bir dəqiqə sonra Kristian da Silva Sambuya qarşı kobud oynadı və hakim bu epizodu qayda pozuntusu kimi qiymətləndirdi. Topun arxasına keçən Emin Mahmudov gözəl zərbə ilə hesabı acid. Bu, onun “Neftçi”dəki 61-ci qolu oldu. Amma meydan sahibləri çox keçmədən hesabı bərabərləşdirdi. 16-cı dəqiqədə Da Silva künc zərbəsindən topu qapı önünə ötürdü. Rza topu uzaqlaşdırmaq istəsə də, cəhdi uğursuz oldu. Qayıdan topa Orxan birinci çatdı, onun zərbəsi qapıya yönəlsə də, top Rəhim Sadıxova dəyərək tora daxil oldu. 3 dəqiqə sonra “Turan Tovuz” yenidən təhlükəli vəziyyət yaratdı.

Serrano – Faiq – Orxan kombinasiyası zamanı Əliyev başla zərbə vurdu, lakin top qapının yanından keçdi. 32-ci dəqiqədə “Neftçi” yenidən önə çıxdı. Ozobiçin ötürməsindən sonra qapıçı ilə üzbəüz qalan Darbo fərqləndi. 38-ci dəqiqədə Orxan cərimə meydançasında Azəri keçdi, lakin Aleks onu dayandırdı. Penalti ilə bağlı etirazlar olsa da, top epizod zamanı Orxanın əlinə dəydiyindən hakim oyunu davam etdirdi. 41-ci dəqiqədə tovuzlular hesabı bərabərləşdirməyə yaxın oldu. Faiqin künc zərbəsindən göndərdiyi topu Urtado başla Souzaya ötürdü, amma braziliyalının zərbəsində dəqiqlik çatmadı.

2-ci hissədə də meydanda gərgin mübarizə getdi. 61-ci dəqiqədə Rzanın ötürmə səhvindən yararlanan Kristian uzaq məsafədən qapını yoxladı, lakin qapıçı bu dəfə komandasını qoldan xilas etdi. 65-ci dəqiqədə isə Rəhim cərimə zərbəsindən birbaşa qapını hədəfə aldı, amma Rza yenə etibarlı oynadı. 77-ci dəqiqədə Emindən ötürmə alan Sambu irəliləyərək zərbə vurdu, lakin Samok ona mane oldu. Qarşılıqlı hücumlarla müşayiət olunan son dəqiqələrdə qapılara qol vurulmadı. “Neftçi” cari mövsümdə növbəti dəfə “Turan Tovuz”a uduzmadı. Tovuzluların qələbə həsrəti 4 oyuna çatdı.

ƏSƏD SEYİDOV