Qarabağ (Ağdam) – Araz-Naxçıvan 2:0 (1:0)
99. Mateuş Koxalski – 6,0
55. Bədavi Hüseynov – 5,5
30.  Abbas Hüseynov – 4,5
24. Aleksey İsayev – 5,0
(7. Yassin Benzya , 71) – 5,0
22. Musa Qurbanlı – 6,5
29. Marko Veşoviç – 4,5
(44. Elvin Cəfərquliyev,71) – 5,5
81. Kevin Medina – 5,5
66. Patrik Andrade – 5,5
(29. Marko Yankoviç, 71) – 5,0
19.Redon Cica – 6,0
(90. Nəriman Axundzadə, 71) – 5,5
15. Leandro Andrade – qiymətsiz 
(9. Kadi Borges, 23) – 6,0
21. Aleksey Kaşuk – 6,0
Ehtiyat oyunçular
1. Şahruddin Məhəmmədəliyev
97. Fabian Buntiç
13. Bəhlul Mustafazadə 
27. Toral Bayramov
2. Mateus Silva
10. Abdulla Zubir
11. Emmanuel Addai
Baş məşqçi: Qurban Qurbanov
Komandanın ən yaxşısı: Musa Qurbanlı
 
12. Kristian Avram – 6,5
34. Urfan Abbasov – 5,5
6. Vadim Abdullayev – 5,0
(5. Qara Qarayev, 55) – 5,0
7. Ülvi İsgəndərov – 5,5 
(2. Slavik Alxasov,80) – qiymətsiz
26. Ömər Buludov – 5,5
16. Ramon Maçado – 5,0
(10. Bernardo Dias, 55) – 5,0
29. Vanderson Melo – 5,0
17. İssuf Paro – 5,5
23. Nuno Rodriges – 6,0
4. İqor Ribeyro – 4,5
97. Felipe Santos – 5,5
(14. Miço Kuzmanoviç, 80) – qiymətsiz
Ehtiyat oyunçular
94. Tərlan Əhmədli
3. Bəxtiyar Həsənalızadə
22. Elçin Mustafayev
20. Turan Vəlizadə
11. Bayraməli Qurbanov
71. Sənan Ağalarov
21. Sezar Meza Kolli
8. Karlos Jatoba
Baş məşqçi: Elmar Baxşıyev
Komandanın ən yaxşısı: Kristian Avram

Qollar: M.Qurbanlı, 32 (1:0, A.Kaşuk), A.Kaşuk, 59 (2:0, M.Qurbanlı).
Vərəqələr: R.Maçado, 5 (qeyri-idman hərəkəti). İ.Ribeyro, 18 (qeyri-idman hərəkəti). M.Veşoviç, 29 (qeyri-idman hərəkəti). V.Melo, 37 (qeyri-idman hərəkəti) – sarı.
Hakimlər: ƏLİYAR AĞAYEV, Zeynal Zeynalov, Akif Əmrəli, Əli Əliyev (hamısı Bakı).
VAR hakimi: Rauf Cabbarov (Bakı).
VAR hakiminin köməkçisi: Rəhman İmami (Bakı).
Hakim-inspektor: Anar Salmanov (Bakı).
AFFA nümayəndəsi: Nəriman Axundov (Bakı).
11 may. Bakı. “Azərsun Arena”. 1200 tamaşaçı (5800 yerlik).
Birinci hissəyə 5, ikinci hissəyə 3 dəqiqə əlavə olunub. 
Oyunun qiyməti: 5,5.

Sona 4 tur qalmış çempionluğu rəsmiləşdirən “Qarabağ”ın motivasiyasızlıqdan əziyyət çəkəcəyini düşünmək olardı. “Araz-Naxçıvan”ın isə fədakarlıq göstərmək üçün əsası var idi. Axı “Turan Tovuz” bir gün əvvəl uduzduğundan 1 xal belə “qırmızı-ağlar”ın 3-cü yeri tutmasını rəsmiləşdirəcəkdi. Sonradan Elmar Baxşıyevin etiraf etdiyi kimi, bu məqam naxçıvanlıları həvəsləndirmək əvəzinə arxayınlaşdırıb…

İlk dəqiqələrdən hücuma atılan “köhlən atlar” erkən qol vurmaq niyyətində idi. 2-ci dəqiqədə Leandro Andradenin zərbəsini Avram dəf elədi. Qonaqlar isə üç dəqiqə sonra bu hücuma cavab verdi. Santosun zərbəsindən sonra top komanda yoldaşı Ülvi İsgəndərova dəyərək meydanı tərk etdi. 7-ci dəqiqədə Medina müdafiədə kobud səhvə yol versə də, öz səhvini “sığortalayaraq” təhlükənin qarşısını aldı. 22-ci dəqiqədə oyunun və premier-liqanın ən yaxşılarından Leandro zədələnərək meydanı tərk edir. Əvəzində oyuna Kadi qoşuldu.

32-ci dəqiqədə rəqib qapısı önündə qarışıqlıq zamanı Musa Qurbanlı topu qapıdan keçirsə də, yan xətt hakimi bayrağını qaldırdı. VAR-ın müdaxiləsindən sonra qol qeydə alındı. 8 dəqiqə sonra Kadinin ötürməsini Kaşuk dəyərləndirdi. Bu dəfə VAR naxçıvanlıların xeyrinə qərar verdi. İlk yarıdakı son təhlükəli vəziyyət isə Kaşuk və Cica ilə bağlıdı. Belə ki, üç rəqibi keçən ukraynalı Cicaya ötürmə versə də, Redon  bu ötürməni qolla tamamlaya bilmədi. 

İkinci hissədə də ağdamlılar daha çox hücum etdi. 50-ci dəqiqədə Veşoviçin zərbəsinin qarşısını Avram aldı. 9 dəqiqə sonra Ribeyronunun kobud səhvindən sonra topu ələ keçirən Musanın Kaşuka ötürməsini ukraynalı məntiqi sonluğa çatdırdı. Nəhayət, qəflət yuxusundan ayılan “Araz-Naxçıvan” 68-ci dəqiqədə ikinci hissədəki ilk təhlükəli vəziyyətini yaratdı. Nuno Rodrigesin zərbəsi qapının üstündən keçdi.

78-ci dəqiqədə Elvin Cəfərquliyevin cərimə meydançası qarşısına ötürməsini Musa qola çevirə bilmədi. Hər halda, inamlı qələbə qazanan “Qarabağ” “Araz-Naxçıvan”ın 3-cü yeri tutmaq arzusunu gözündə qoydu.

Gözdən qaçmadı
* Birinci hissədə baş hakimdən sarı vərəqə tələb edən Benzyaya dördüncü hakim Əli Əliyev “göz ağartdı”. 
* Tribunalarda barmaqla sayılacaq qədər azyaşlı “Araz-Naxçıvan” azarkeşləri var idi.

MÜZƏFFƏR QULUZADƏ