Araz-Naxçıvan - Sabah (Bakı) 1:1 
12. Kristian Avram - 5,5 
5. Qara Qarayev - 5,0
(6. Vadim Abdullayev, 86) - qiymətsiz
2. Slavik Alxasov - 5,5
7. Ülvi İsgəndərov - 6,0
26. Ömər Buludov - 5,0
16. Ramon Maçado - 5,5
29. Vanderson Melo - 5,0
(8. Karlos Jatoba, 73) - 4,5
17. İssuf Paro - 5,0
23. Nuno Rodriges - 5,5
(10. Bernardo Dias, 73) - 4,5
4. İqor Ribeyro (k) - 5,5
97. Felipe Santos - 5,5
(14. Miço Kuzmanoviç, 86) - qiymətsiz
Ehtiyat oyunçular
94. Tərlan Əhmədli
3. Bəxtiyar Həsənalızadə
22. Elçin Mustafayev
20. Turan Vəlizadə
11. Bayraməli Qurbanov
71. Sənan Ağalarov
Baş məşqçi: Elmar Baxşıyev
Komandanın ən yaxşısı: Ülvi İsgəndərov

92. Stas Pokatilov - 5,5
17. Tellur Mütəllimov - 5,5
9. Anatoli Nuriyev - 5,0
(88. Xəyal Əliyev, 64) - 5,0
5. Rəhman Daşdəmirov - 5,5
6. Abdulax Xaybulaev - 5,0
(8. Ayaz Quliyev, 46) - 5,5
7. Boyan Letiç - 5,5 
(4. Sofian Çakla, 64) - 5,0 
18. Pavol Safranko (k) - 4,5 
(33. Umarali Raxmonaliyev, 20) - 5,5
40. İqor Noqeyra - 5,0
70. Cesse Sekidika - 5,5 
13. İvan Lepinitsa - 5,5
12. Vinsent Till - 6,0 
(10. Namik Ələskərov, 75) - 4,5
Ehtiyat oyunçular
1. Yusif İmanov
55. Nicat Mehbalıyev
15. Seymur Məmmədov
32. Elgün Dünyamalıyev
Baş məşqçi: Vasili Berezutsi
Komandanın ən yaxşısı: Vinsent Till

Qollar: Ü.İsgəndərov, 20 (1:0). V.Till, 43 (1:1, U.Raxmonaliyev).
Vərəqələr: V.Melo, 36 (qeyri-idman hərəkəti). K.Jatoba, 75 (qeyri-idman hərəkəti). U.Raxmonaliyev, 80 (qeyri-idman hərəkəti). T.Mütəllimov, 90+1 (hakimin qərarına etiraz) - sarı.
Hakimlər: KAMAL UMUDLU, Vüsal Məmmədov, Rəhman İmami, Nicat İsmayıllı (hamısı Bakı).
VAR hakimi: Əliyar Ağayev (Bakı).
VAR hakiminin köməkçisi: Zeynal Zeynalov (Bakı).
Hakim-inspektor: İmanxan Sultani (Bakı).
AFFA nümayəndəsi: Emin Cəfərov (Bakı).
3 may. Bakı. “LİV Bona Dea Arena”. 250 tamaşaçı (6500 yerlik).
Oyunun qiyməti: 5,5.

Mərdəkanda keçirilən qarşılaşma hər iki komanda üçün xüsusi əhəmiyyət daşıyırdı. “Araz-Naxçıvan” “Turan Tovuz”la aradakı xal fərqini artırmaq, şəxsi görüşlərdə bu komandaya məğlub olmayan “Sabah” uğurlu seriyanı davan etdirmək istəyirdi.

İlk 10 dəqiqə qarşılıqlı hücumlar şəraitində keçdi. 12-ci dəqiqədə Sekidika qapı qarşısına ötürmə versə də, Slavik topu başı ilə küncə çıxarmağı bacardı. “Araz-Naxçıvan” ilk təhlükəli vəziyyətdə fərqlənməyi bacardı. 20-ci dəqiqəsində Qara Qarayevin uzun ötürməsini qəbul edən Maçado “çərçivə”ni nişan alsa da, Letiç zərbənin qarşısını ala bildi. Qayıdan topa yaxınlaşan Ülvi dəqiq zərbə ilə topu tora qovuşdurdu. O, ötən oyunda da hesabı açmışdı. 32-ci dəqiqədə Boyanın künc zərbəsindən qapı qarşısına ötürməsini Ülvi uzaqlaşdıra bilmədi. Belədə Tillin qapı qarşısına ötürməsini Sekidika qeyri-dəqiq baş zərbəsi ilə tamamladı. Hissənin sonlarına yaxın qonaqlar hesabı bərabərləşdirməyi bacardı. Qara Qareyin Ülviyə doğru etdiyi ötürmənin arasına Umarali girdi. Raxmonaliyev dərhal qapı qarşısına ötürmə verdi ki, Vinsent dəqiq baş zərbəsi ilə topu tora qovuşdurdu.

2-ci hissə də qarşılıqlı hücumlar şəraitində keçdi. 49-cu dəqiqədə Slavik cərimə zərbəsindən qapı qarşısına ötürmə versə də, İqorun başla zərbəsində azacıq dəqiqlik çatmadı. 55-ci dəqiqədə Santosdan yayınan Telluruh qapı qarşısına ötürməsinin arasına Avram girdi.  6 dəqiqə sonra Maçado – Nuno - Ülvi kombinasiyasında sonuncunun zərbəsi zamanı azacıq dəqiqlik çatmadı. Qarşılaşmanın 64-cü dəqiqədə Ülvinin nəvbəti zərbəi də qeyri-dəqiq oldu. Sona yaxın qonaqlar Lepinitsa və Sekidika ilə hesaı dəyişməyə çalışsalar da, bacarmadılar.

Son 4 oyunda heç-heçəyə razılaşan “Araz-Naxçıvan” bir gün əvvəl uduzan “Turan Tovuz”un büdrəməsindən yararlana bilmədi. Son 5 oyunda yalnız bir qələbəsi olan “Sabah”ın da öyünməyə haqqı yoxdu.

Gözdən qaçmadı
* 14-cü dəqiqədə Elmar Baxşıyev dördüncü hakimə “Şafrankoya niyə meydanın daxilində baxırlar? Ona meydanda kənardan baxsınlar da” dedi. 
* 18-ci dəqiqədə “Araz-Naxçıvan”ın köməkçi məşqçisi Rasim Ramaldanov dördüncü hakimə “Şafrankonu ya çıxarın, ya da qalsın. İki dəqiqədən bir özünü yerə atır” dedi. 
* “Soldati di Sabah” və “Sektor 85” tribunada yerini almışdı.
* 20-ci dəqiqədə Ülvi İsgəndərov fərqlənəndən sonra VAR mümkün ofsaydı yoxlayan zaman azarkeşlərdən biri narazılığını gizlətmədi: “VAR-ı çıxaranın atasına lənət”.

ƏSƏD SEYİDOV