Səbail – Araz-Naxçıvan 1:1 (0:1)
12. Əlirza Müştəbazadə - 5,5
96. İlkin Muradov – 5,5
20. Mərt Çəlik – 5,0
11. Rüfət Abdullazadə - 6,0
(74. Yusif Nəbiyev, 90+3) – qiymətsiz
83. Nihad Quliyev – 5,0
(7. Madi Queta, 74) – 5,5
97. Oruc Məmmədov – 5,0
(5. Gitay Sofir, 74) – 5,5
10. David Qomis (k) – 5,5
(77. Fərid Nəbiyev, 88) – qiymətiz
3. Dmitri Litvin – 5,0
99. İnnosent Nşuti – 5,0
(22. Mirabdulla Abbasov, 74) – 5,0
4. Marko Nikoliç – 5,5
14. Süleyman Alluş – 5,5
Ehtiyat oyunçular
25. Nicat Məmmədzadə
91. Tural Mirsultanov
18. Süleyman Əhmədov
19. Samir Abdullayev
16. Emin Rüstəmov
67. Rəvan Abasov
44. Amir Bilali
Baş məşqçi: Elvin Məmmədov

12. Kristian Avram – 5,5
5. Qara Qarayev – 5,5
34. Urfan Abbasov (k) – 5,0
(26. Ömər Buludov, 46) – 5,0
2. Slavik Alxasov – 5,0
7. Ülvi İsgəndərov – 6,0
(6. Vadim Abdullayev, 71) – 5,5
16. Ramon Maçado – 5,0
(14. Miço Kuzmanoviç, 81) – qiymətsiz
17. İssuf Paro – 5,5
8. Karlos Jatoba – 5,5
4. İqor Ribeyro – 5,0
97. Felipe Santos – 5,0
(23. Nuno Rodriges, 71) – 5,0
10. Bernardo Dias – 5,5
Ehtiyat oyunçular
94. Tərlan Əhmədli
3. Bəxtiyar Həsənalızadə
22. Elçin Mustafayev
20. Turan Vəlizadə
11. Bayraməli Qurbanov
71. Sənan Ağalarov
Baş məşqçi: Elmar Baxşıyev
Komandanın ən yaxşısı: Ülvi İsgəndərov

Qollar: Ü.İsgəndərov, 31 (0:1, B.Dias). M.Nikoliç, 77 (1:1).
Vərəqələr: D.Litvin, 34 (qeyri-idman hərəkəti). U.Abbasov, 44 (qeyri-idman hərəkəti). S.Alluş, 60 (qeyri-idman hərəkəti). İ.Ribeyro, 83 (qeyri-idman hərəkəti). M.Nikoliç, 84 (qeyri-idman hərəkəti). İ.Muradov, 90 (qeyri-idman hərəkəti) – sarı.
Hakimlər: RƏŞAD ƏHMƏDOV (Mingəçevir), Eyyub İbrahimov, Rahil Ramazanov, Elvin Bayramov (hamısı Bakı).
VAR hakimi: İnqilab Məmmədov (Bakı).
VAR hakiminin köməkçisi: Namiq Hüseynov (Bakı).
Hakim-inspektor: Ramil Diniyev (Bakı).
AFFA nümayəndəsi: Elman Musayev (Bakı).
27 aprel. Bakı. “ASCO Arena”. 150 tamaşaçı (3200 yerlik).
Birinci hissəyə 2, ikinci hissəyə 4 dəqiqə əlavə olunub.
Oyunun qiyməti: 6,0.

…Yenicə meydana daxil olan Fərid Nəbiyev sol cinahdan qapı xəttinə paralel elə ötürmə verdi ki, topu, sadəcə, tora salmaq qalırdı. Amma Queta həmin yüngül toxunuşu bacarmadı. Dərhal telefonun saatına baxdım, 2-ci uzatma dəqiqəsi gedirdi. Mənə elə gəlir ki, məhz həmin məqamda o top kimi, elita qatarı da “Səbail”dən uzaqlaşdı…

Bəli, “dənizçilər” “Kəpəz”in bir gün əvvəl xal itirdiyindən xəbərdar idi. Odu ki, “Araz-Naxçıvan”la oyunda qələbə qazanıb, gəncəlilərə yaxınlaşmaqdan, hər şeyi son 4 tura saxlamaqdan başqa yol yox idi. Təbii ki, Mərt Çəlik də meydana qələbə üçün çıxmışdı. Amma oyun başlayan kimi hədsiz kobud səhvə yol verdi. Əlirza bu səhvdən yararlanıb təkbətək çıxan Maçadonun zərbəsinin qarşısını aldı, Diasın təkrar zərbəsi isə “çərçivə”yə düşmədi.

İlk yarım saatda naxçıvanlılar daha fəal idi. 23-cü dəqiqədə Felipe, 29-cu dəqiqədə Ülvi hesabı açmağa yaxın oldu. Ülvi daha sadə vəziyyətdə qapıya yol tapa bilməsə də, iki dəqiqə sonra “günahını yudu”. Qara inadkarlıq hesabına topu aldı, Diasa ötürmə verdi, o isə sağ cinahdan cərimə meydançasına daxil olan Ülvini zərbə mövqeyinə çıxardı. Beləcə qonaqlar hesabı acdı. Düşünmək olardı ki, “qırmızı-ağlar” bundan sonra da hücuma həvəs göstərəcək, fərqi artırmağa çalışacaq. Amma son vaxtlar “Araz-Naxçıvan”ın oyununda müşahidə olunan qəribə tendensiya bu dəfə də təkrarlandı. Komanda qol vuran kimi “yuxuya gedir”, hesabı qorumağa çalışır. Hesab fasiləyə qədər bərabərləşmədisə, naxçıvanlılar buna görə ilk növbədə Avrama minnətdar olmalıdı. Moldovalı qapıçı dəfələrlə ustalığını göstərdi, onun aciz qaldığı epizodlarda – məsələn, Rüfət Abdullazadənin ilk yarının sonundakı cərimə zərbəsi zamanı – isə dirək köməyə çatdı.

Düşünmək olardı ki, Elmar Baxşıyev fasilədə komandasını ayıltmaq üçün lazımi sözləri tapacaq. Ancaq belə olmadı. Baxşıyevin həmkarı Elvin Məmmədov isə 74-cü dəqiqədə birdən-birə üç dəyişikliyə imza atdı: Sofir, Queta və Mibabdulla oyuna qoşuldu. Qol isə belə vuruldu: künc bayrağının yaxınlığında Qomisə ötürmə verən və alan Alluş cərimə meydançasının qövsü üzərində dayanan Rüfəti gördü. Rüfət dərhal qapını “nişan aldı”. Avram müdaxilə edə bilmədi, tirə dəyən top qapı xəttinin üzərinə düşdü, özünü yetirən Nikoliç hesabı bərabərləşdirməklə yanaşı, cari mövsümdə qol hesabını da acdı.

Son 17 dəqiqə qarşılıqlı hücumlar şəraitində keçsə də, hansısa real qol vəziyyətindən danışmaq çətindi. Əlbəttə, girişdə xatırlatdığım Quetanın zərbə mövqeyinə çıxmasına qədər. Beləliklə, bu maraqlı oyunda qalib müəyyənləşmədi. Heç-heçə isə “Səbail”dən daha çox “Araz-Naxçıvan”ı razı saldı.

Gözdən qaçmadı
* Mülayim hava və cəmi 150 azarkeş - elita səviyyəsində oyunlar üçün biabırçı haldı. Həmin vaxt stadionun yaxınlığında yerləşən “Elay” şadlıq sarayına bundan çox adam toplaşmışdı.
* “Səbail” 2-ci hissədə həm də küləyə qarşı oynadı
* Elmar Baxşıyevlə yanaşı, Rasim Ramaldanovla Əfran İsmayılov da hakimlər briqadasına psixoloji təsir göstərməkdə fəal idi. Xüsusən də 4-cü hakim Elvin Bayramova bir an da rahatlıq vermədilər.

ORXAN