Kəpəz (Gəncə) - Zirə 0:1 (0:0)
1. Rojerio Santos - 6,0
7. Ehtiram Şahverdiyev - 5,5
12. Turan Manafov - 5,5
8. Elmir Tağıyev - 5,5
21. Camal Cəfərov - 5,0
(19. Sadiq Şəfiyev, 66) - 5,0
26. Valdemar Almeyda - 5,0
(99. Əli Səmədov, 87) - qiymətsiz
9. Luis Paçu - 5,5
(88. Şervoni Mabatşoyev, 66) - 5,0
29. Dioqo Verdaşka - 5,5
78. Yeqor Xvalko (k) - 5,0
28. Rati Ardazişvili - 5,0
3. Mahamadu Ba - 5,0
(10. Karim Lkoça, 77) - qiymətsiz
Ehtiyat oyunçular
22. Məmməd Hüseynov
18. Elgün Bayramov
2. İlkin Qırtımov
70. Nicat Süleymanov
5. Rauf Hüseynli
6. Nemət Musayev
17. Ümid Səmədov
11. Trent Buhagiar
Baş məşqçi: Azər Bağırov
Komandanın ən yaxşısı: Rojerio Santos

13. Aydın Bayramov - 5,5
32. Qismət Alıyev (k) - 5,5
8. İsmayıl İbrahimli - 5,5
(3. Ange Mutsinzi, 87) - qiymətsiz
14. Elçin Əlicanov - 5,5
4. Ruan Renato - 6,0
10. Giorgi Papunaşvili - 6,0
(6. Eldar Quliyev, 76) - qiymətsiz
70. İssa Cibrila - 6,0
23. Rafael Utziq - 6,0
(11. Rüstəm Əhmədzadə, 76) - qiymətsiz
18. Junior Martins - 5,5
(29. Ceyhun Nuriyev, 60) - 5,0
17. Ayron Qomis - 5,5
19. Salifu Suma - 6,5
(15. Pyer Zebli, 87) - qiymətsiz
Ehtiyat oyunçular
97. Tyaqo Silva
41. Anar Nəzirov
7. Məqsəd İsayev
93. Yelmar Aşurov
53. Şahmar Aşurov
48. Ramiz Muradov
30. Rikardo Martins
Baş məşqçi: Rəşad Sadıqov
Komandanın ən yaxşısı: Salifu Suma

Qol: S.Suma, 64 (İ.Cibrila).
Vərəqələr: İ.İbrahimli, 83 (qeyri-idman hərəkəti). E.Tağıyev, 90+4 (hakimin qərarına etiraz). D.Verdaşka, 90+5 (qeyri-idman hərəkəti). A.Bayramov, 90+5 (oyunun bərpasının ləngidilməsi) - sarı.
Hakimlər: ƏLİYAR AĞAYEV, Akif Əmirəli, Müslüm Əliyev, Kamranbəy Rəhimov (hamısı Bakı).
VAR hakimi: Rəvan Həmzəzadə (Şəki).
VAR hakiminin köməkçisi: Cəmil Quliyev (Bakı).
Hakim-inspektor: Rəhim Həsənov (Bakı).
AFFA nümayəndəsi: Namiq Əliyev (Bakı).
26 aprel. Tovuz. Şəhər stadionu. 500 tamaşaçı (6800 yerlik).
Birinci hissəyə 1, ikinci hissəyə 5 dəqiqə əlavə olunub.
Oyunun qiyməti: 5,5.

Tovuzda keçirilən oyun hər iki komanda üçün xüsusi əhəmiyyət daşıyırdı. Elitada qalmağa çalışan “Kəpəz”in rəqibin ad-sanına, imicinə rəğmən, hər oyuna xal imkanı kimi baxması təbiidi. 2-ci pillədə qərarlaşan “Zirə” isə “Araz-Naxçıvan”dan mümkün qədər uzaqlaşmaq istəyir.

Matçın əvvəli “Zirə”nin hücumları ilə müşayiət olundu. 7-ci dəqiqədə Salifu qapı qarşısına ötürmə versə də, Ruanın baş zərbəsi qapıdan aralı keçdi. Cəmi bir dəqiqə sonra Papunaşvili gözəl ara ötürməsi ilə topu Sumaya çatdırsa da, Salifu Rojerio səddini aşa bilmədi. Təhlükə sovuşandan sonra yan xətt hakimi bayrağını qaldırdı. 16-cı dəqiqədə Martinsin, 20-ci dəqiqədə Sumanın zərbəsini Santos dəf etməyi bacardı. 27-ci dəqiqədə İsmayıldan ötürmə alan Cibrilanın zərbəsinin qolla nəticələnməsinə qapı tiri mane oldu. Nominal meydan sahiblərinin ifasında ilk təhlükəli vəziyyətə 31-ci dəqiqədə şahidlik etdik. Sol cinahla irəliləyən Manafov Sumadan sıyrılıb, qapı qarşısına ötürmə versə də, Aydın yerində idi. 35-ci dəqiqədə Martins – Papunaşvili - Cibrila kombinasiyasında sonuncunun zərbəsinin qarşısını Rojerio aldı. Hissənin sonlarına yaxın Paçu cərimə zərbəsindən birbaşa qapıya zərbə vursa da, top qapının üstündən keçdi.

İkinci hissədə də uzun müddət bərabərlik pozulmadı. Amma 64-cü dəqiqədə cari mövsümün ən parlaq oyunçularından biri Suma səhnəyə çıxdı. İssadan ötürmə alan qvineyalı dəqiq zərbə ilə topu tora qovuşdurdu. 4 dəqiqə sonra mərkəzdən topu daşıyan Salifu sürəti hesabına “Kəpəz”in futbolçularını geridə qoysa da, Rojerio qapını tərk edərək təhlükənin qarşısını aldı. Gəncəlilər də hesabı bərabərləşdirməyə çalışırdı. 72-ci dəqiqədə Turan qapı qarşısına ötürmə versə də, Sadiqin başla zərbəsində dəqiqlik çatmadı. 84-cü dəqiqədə Ceyhundan ötürmə alan Suma yenə qapçı ilə təkbətək qalsa da, onun zərbəsinin qarşısını Santos aldı. Beləliklə, “Zirə” 2-ci pillədəki mövqeyini daha da möhkəmlətdi, “Kəpəz” isə “Səbail”dən uzaqlaşmaq şansını boşa verdi.

Gözdən qaçmadı
* Oyunu izləyənlər arasında U-17-nin baş məşqçisi Aqil Nəbiyev də var idi.
* 27-ci dəqiqədə baş hakimlə laysmanın qərarı üst-üstə düşmədi.
* Referi Azər Bağırova etriaz etdiyinə görə xəbərdarlıq etdi.
* Oyunu tribunadan izləyən Stefan Aka komanda yoldaşının qoluna sevinən zaman gəncəli azarkeşlərin qəzəbinə tuş gəldi.

ƏSƏD SEYİDOV