“Bu, futbolun gözəlliyidi. Mən futbola həyatın bir metaforası kimi baxmağı sevirəm. Hətta ən çətin anlarda belə inanmaq çox vacibdi. "Səbail" ilk yarıda çox yaxşı oynadı, bizə çətinlik yaratdı. İkinci yarıda bir neçə taktiki dəyişiklik etdik, paltardəyişmə otağında müzakirələr apardıq. Əsas olan oyunçuların çıxış yolu görməsi və bu çətin vəziyyətdən çıxa biləcəyimizə inanmasıdı. Hər şey ilk addım - qol ilə başladı. Sonra bizim səviyyəmiz və məşqlərdə öyrəndiklərimiz işə düşdü. Həyatda olduğu kimi, mübarizə yalnız təslim olduqda başa çatır. Mübarizə aparan oyunçular heç vaxt oyunu itirməzlər, sadəcə, zamanları bitər. Bunu bacarmaq üçün çoxlu komanda işi və cəsarət tələb olunur. Futbolçularımla fəxr edirəm, çünki bunu bacardılar”.